SSH EN 17240:2024

Sisteme inteligjente të transportit – Siguria elektronike (eSafety) – Prova e përpuethshmërisë end to end për ECall për sistemet IMS që bazohen në ndërrimin e paketave

Intelligent transport systems - ESafety - ECall end to end conformance testing for IMS packet switched based systems

Scope

Ky dokument përcakton aktorët kryesorë në zinxhirin e ofrimit të shërbimit eCall duke përdorur IMS mbi rrjetet e komunikimit me paketim të të dhënave (siç është LTE/4G), si:
Sistemi brenda automjetit (3.20) (IVS)/automjeti,
Operatorët e rrjetit celular (MNO),
Qendra e pritjes së thirrjeve për sigurinë publike (3.27) (PSAP),
dhe synon të ofrojë teste të përputhshmërisë për grupet e aktorëve nga 1) deri në 3).
SHËNIM 1: Testet e përputhshmërisë nuk janë të përshtatshme dhe as të kërkuara për pasagjerët e automjetit (3.36), ndonëse ata janë përfitues të shërbimit.
SHËNIM 2: Sistemet e eCall-it të ofruara nga palë të treta (TPS eCall) nuk përfshihen në fushën e këtij dokumenti. Kjo ndodh sepse standardi bazë TPS-eCall (3.32) (EN 16102) nuk përcakton lidhjen e komunikimit midis automjetit dhe ofruesit të shërbimit TPS (3.29).
SHËNIM 3: Këto teste përputhshmërie bazohen në testet përkatëse të përputhshmërisë nga standardi EN 16454, i cili është publikuar përpara se të ishin në dispozicion rrjetet IMS të bazuara në komunikimin me paketim të të dhënave. Kjo përmbledhje prandaj:
riprodhon testet e përshtatshme nga EN 16454 (duke njohur burimin e tyre),
përshtat dhe rishikon Protokollet e Testeve të Përputhshmërisë (CTP) nga EN 16454 për paradigmën IMS,
ose ofron teste të reja shtesë të nevojshme për paradigmën IMS.
Disa teste të eCall-it 14 112 (eCall Pan-Evropian) të përfshira në EN 16454 janë të përshtatura për komunikimin GSM/UMTS me qark të dedikuar dhe nuk janë të përshtatshme për paradigmën IMS, prandaj përjashtohen nga ky dokument.
Ky dokument për rrjedhojë ofron një grup të plotë testesh përputhshmërie për pajisjet IVS, operatorët MNO dhe qendrat PSAP, të nevojshme për të siguruar dhe demonstruar pajtueshmërinë me CEN/TS 17184.
SHËNIM 4: Në rast të mungesës ose mosfunksionimit të rrjetit mbështetës IMS në një kohë/vend të caktuar, sistemet IMS-eCall kalojnë në sistemet eCall me rrjete të qarkut të dedikuar (CS) përmes GSM/UMTS. Prandaj, pajisjet IVS dhe PSAP duhet të mbështesin dhe të dëshmojnë përputhshmërinë me të dyja llojet e rrjeteve: IMS dhe ato me qark të dedikuar (CS).
Fusha e veprimit mbulon testimin e përputhshmërisë (dhe miratimin) për zhvillimet e reja inxhinierike, produktet dhe sistemet, dhe nuk nënkupton testimin e instalimeve individuale në automjete apo lokacione të veçanta.