Bordi Teknik i DPS
Menaxhimi i punës teknike të standardizimit kryhet nga Bordi Teknik. Ky organ teknik mblidhet minimalisht 2 herë në vit për të shqyrtuar, konsultuar dhe marrë vendimin përfundimtar në lidhje me çështjet që kanë të bëjnë me organizimin, koordinimin dhe planifikimin e punës për standardizimin.
Në Bordin Teknik (BT) marrin pjesë përfaqësues nga palët e interesuara për standardizimin, të cilët kontribuojnë vullnetarisht me ekspertizë teknike në këtë proces. Miratimi i anëtarëve bëhet nga Bordi Drejtues me propozim të Drejtorit të Përgjithshëm të DPS-së në cilësinë e kryetarit të BT.
Menaxhimi i punës teknike për standardizimin i është deleguar Bordit Teknik, funksionin e të cilit, para ngritjes së tij, e ka kryer Grupit të Ekspertëve të DPS-së (GES).
Në përputhje me ligjin nr. 9870 “Për Standardizimin” më datë 09.12.2010 është krijuar Bordi Teknik i DPS-së, i cili funksionon bazuar në rregulloren e tij, miratuar nga Bordi Drejtues.
| Anëtarët e Bordit Teknik - 2025 |
|---|
| Riza Hasanaj |
| Drejtoria e Përgjithshme e Standardizimit |
| Besnik Qoku |
| ALFA ATEST d.o.o Dega Shqipëri |
| Engjëll Hoxha |
| Euromed sh.p.k |
| Briseida Xhafa |
| Drejtoria e Përgjithshme e Akreditimit |
| Markel Baballëku |
| Fakulteti i Ndërtimit |
| Ilirjana Boçi |
| UT, Fakulteti i Shkencave |
| Dritan Ajdinaj |
| Fakulteti i Pyjeve |
| Taulant Spahiu |
| Fakulteti i Inxhinierisë Mekanike UPT |
| Pëllumb Metohu |
| Ekspert në fushën e Standardizimit |
| Gentian Muça |
| QUALG - Quality and Productivity Organization |
| Arben Burda |
| Universiteti "Marin Barleti" |
| Neiron Zaçe |
| Gener 2 - ABA Business Center |
| Mimoza Cukalla |
| Universiteti Politeknik i Tiranës |
1.Kompetencat e BT të DPS
1.1 BT i DPS kryen funksionet e tij me mbledhje dhe ka këto kompetenca:
a) vendos mbi të gjitha çështjet lidhur me organizmin, procedurat, koordinimin dhe planifikimin e punës për miratimin e standardeve;
b) monitoron dhe kontrollon progresin në punën me standardet në bashkëpunim të ngushtë me sekretarët dhe kryetarët e Komiteteve Teknike,
c) shqyrton propozimet për Projekt Standarde të reja (adoptime me origjinë rajonale (EN) ose ndërkombëtare);
d) ngre dhe shfuqizon organizmat e punës të DPS (Komitetet Teknike (KT) dhe Grupet e Punës (GP);
e) propozon dhe miraton përbërjen e KT dhe GP;
f) miraton Kryetarin e KT nisur nga propozimet e marra nga sekretariati i këtyre organizmave të punës;
g) mban nën rishikim titullin, qëllimin dhe programin e punës të çdo KT në mënyrë që të sigurojë koordinim mes tyre dhe të evitiojë e mbivendosjet në program;
h) luan rol vendimmarrës për çështjet që kanë të bëjnë me procedurën e apelimit dhe atë të “stand still”;
i) kryen çdo detyrë tjetër që ka të bëjë me aktivitetet teknike të standardizimit që kërkohen nga Bordi Drejtues i DPS.
English