DS CEN/TS 18094:2024

Prova pa shkatërrim - Metoda prove për përcaktimin e sforcimeve të mbetura me anë të shpërndarjes së rrezeve - x me sinkrotron

Non-destructive testing - Test method for determining residual stresses by synchrotron x-ray diffraction

Scope

Ky dokument përshkruan metodën e provës për përcaktimin e sforcimeve të mbetura në materialet polikristaline me anë të metodës së shpërndarjes së rrezeve - X me sinkrotron. Metoda mund të aplikohet si në materiale homogjene ashtu edhe në ato jo-homogjene, duke përfshirë ato që përmbajnë faza të dallueshme.
Informacioni se si të kryhen matjet e sforcimeve të mbetur me anë të teknikës së shpërndarjes së rrezeve - X me sinkrotron ofrohet si më poshtë:
- përzgjedhja e planeve të përshtatshme të rrjetës shpërndarëse mbi të cilat duhet të bëhen matjet për kategori të ndryshme materialesh,
- drejtimet e mostrës në të cilat duhet të kryhen matjet,
- vëllimi i materialit të ekzaminuar në lidhje me madhësinë e kokrrizave të materialit dhe gjendjen e parashikuar të sforcimeve,
- përzgjedhja e referencës pa sforcim (mostër) që lehtëson llogaritjen e sforcimeve të mbetur,
- metodat e disponueshme për nxjerrjen e sforcimeve të mbetura nga të dhënat e matura të tërheqjes.
Procedurat paraqiten për kalibrimin e instrumenteve të shpërndarjes së rrezeve - X me sinkrotron, duke mundësuar:
- pozicionimin dhe rreshtimin e saktë të pjesëve të testimit;
- përcaktimin e saktë të vëllimit të materialit të marrë si mostër për matjet individuale;
dhe gjithashtu për:
- kryerjen e matjeve;
- kryerjen e procedurave për analizimin e rezultateve;
- përcaktimi i pasigurive të tyre.
Parimet e teknikës të shpërndarjes së rrezeve - X me sinkrotron përshkruhen dhe vihen në perspektivë me EN 15305:2008 dhe EN ISO 21432:2020, të cilat përdoren për të matur sforcimet në masën e një mostre.