prSSH EN ISO 20044:2024

Matje e radioaktivitetit në mjedis - Ajri: grimcat e aerosolit - Metoda e provës duke përdorur marrjen e mostrave nga materiali filtrues (ISO 20044:2022)

Measurement of radioactivity in the environment - Air: aerosol particles - Test method using sampling by filter media (ISO 20044:2022)

Scope

Ky dokument jep udhëzime për:
- procesin e marrjes së mostrave të grimcave të aerosolit në ajër duke përdorur material filtrues. Ky dokument merr parasysh sjelljen specifike të grimcave të aerosolit në ajrin e ambientit;
- dy metoda për procedurat e marrjes së mostrave me matje të mëvonshme ose të njëkohshme:
- përcaktimin e përqendrimit të aktivitetit të radionuklideve të lidhur me grimcat e aerosolit në ajër, duke u bazuar në sasinë e depozituar në filtër;
- përdorimin funksional të pajisjeve të monitorimit të vazhdueshëm të ajrit për matje në kohë reale.
Ky dokument përshkruan metodën e proës për përcaktimin e përqendrimeve të aktivitetit të radionuklideve të lidhur me grimcat e aerosolit pas marrjes së mostrës së ajrit që kalon nëpër një material filtrues të projektuar për të kapur grimcat e aerosolit. Metoda mund të përdoret për çdo lloj studimi ose monitorimi mjedisor.
Ky dokument nuk mbulon detajet e teknikave të matjes (spektroskopia gama, numërimi global alfa dhe beta, scintilacioni i lëngshëm, spektrometria alfa) të përdorura për përcaktimin e aktivitetit të depozituar në materialin filtrues, të cilat bazohen ose në standarde ekzistuese ose në metoda të brendshme të zhvilluara nga laboratori përgjegjës për ato matje. Po ashtu, ky dokument nuk mbulon variabilitetin e madhësive të grimcave të aerosolit të përcaktuar nga përbërja e pluhurit të pranishëm në ajrin e ambientit. Ky dokument nuk trajton marrjen e mostrave të radionuklideve të lidhur me grimcat e aerosolit në ajrin e shkarkimeve të impianteve bërthamore [shih ISO 2889:2021].