DPS ka publikuar standardin SSH EN 12767:2019+A1:2024 "Siguria pasive e strukturave mbështetëse për pajisjet rrugore - Kërkesat dhe metodat e provës"

Ky standard specifikon procedurat e testimit të performancës për të përcaktuar veçoritë e sigurisë pasive të strukturave mbështetëse, si kolonat e ndriçimit, shtyllat e shenjave, mbështetësit e sinjalizimit, elementët strukturorë, themelet, produktet e shkëputshme dhe çdo komponent tjetër që përdoret për të mbështetur një pajisje të veçantë në anë të rrugës. Ai ofron një bazë të përbashkët për testimin e ndikimit të automjetit ndaj strukturave mbështetëse të pajisjeve rrugore. Standardi nuk zbatohet për sistemet e kufizimit rrugor.