Fusha e këtij KT është adoptimi i standardeve evropiane dhe ndërkombëtare CEN/ISO si dhe hartimi i standardeve shqiptare në lidhje me kërkesat e standardizimit në fushën e cilësisë së ujit, përcaktimin e kushteve së marrjes së mostrave të ujërave ,matjen dhe raportimin e karakteristikave të ujit. Për sa i përket matjes së karakteristikave të ujit këtu përfshihen matjet fizike, kimike biokimike, biologjike dhe matjet mikrobiologjike. Brenda fushëveprimit të këtij KT një rëndësi e veçantë i jepet aspektit mjedisor i cili ka të bëjë me kontrollin e sipërfaqes së ujit (lumenj, përrenj, liqene, rezervuare, dete (ujëra detar), ujëra në terren dhe precipitimi i tyre. Nga ana tjetër një rol të madh luan dhe kontrolli i cilësisë së ujit të destinuar për konsum njerëzor,si dhe për qëllime të tjera si përshtatshmëria për përpunim industrial.