prSSH EN 15528:2021

Zbatime në hekurudhë - Kategoritë e linjës për menaxhimin e ndërfaqes ndërmjet kufijve të ngarkesës të automjeteve dhe infrastrukturës

Railway applications - Line categories for managing the interface between load limits of vehicles and infrastructure

Scope

Ky dokument është i zbatueshëm për linjat me gjerësi standarde shinash (1 435 mm) dhe gjerësi më të gjera shinash të sistemit hekurudhor të rëndë dhe mjetet që operohen në këto linja. Kjo përfshin makineritë e përdorura për ndërtim, mirëmbajtje, inspektim, riparim dhe rinovim kur ato operohen në modalitetin e funksionimit, por jo kur janë në modalitetin e punës ose të udhëtimit.

Ky dokument specifikon metodat e klasifikimit të linjave ekzistuese dhe të reja të sistemit hekurudhor të rëndë dhe kategorizimin e mjeteve hekurudhore.
Ky dokument jep udhëzime për një menaxhim të besueshëm dhe të vendosur të ndërfaqes midis mjeteve hekurudhore dhe rrjetit hekurudhor të rëndë dhe nuk vendos asnjë kërkesë as për mjetet dhe as për infrastrukturën.
Zbatimi i këtij dokumenti mundëson sigurimin e përputhshmërisë statike të itinerarit midis një mjeti hekurudhor dhe rrjetit hekurudhor të rëndë në lidhje me kapacitetin vertikal të ngarkesës.
Ai përmban kërkesa relevante për:
— klasifikimin e kapacitetit vertikal të ngarkesës së linjave të rrjetit hekurudhor të rëndë;
— ndarjen e mjeteve hekurudhore në kategoritë e linjave (kategorizimi);
— përcaktimin e kufijve të ngarkesës së vagonëve të mallrave.
Ky dokument nuk zbatohet për:
— vlerësimet e përputhshmërisë bazuar vetëm në parametrin ngarkesë boshtore;
— kontrolle të përputhshmërisë për rastet kur kërkohet një analizë dinamike shtesë (për shembull sipas EN 1991 2);
— kërkesa që lidhen me masën maksimale totale ose gjatësinë maksimale të një treni;
— sistemi i përdorur në Britaninë e Madhe, ku të gjitha linjat dhe mjetet klasifikohen në përputhje me Sistemin RA (Disponueshmëria e Rrugës). Një udhëzues për kategoritë ekuivalente të linjave në përputhje me këtë Standard Evropian është dhënë në Shtojcën F;
— publikimi i kategorive të linjave.
Kërkesat e këtij dokumenti nuk zëvendësojnë asnjë rregullore që lidhet me sjelljen e mjeteve gjatë lëvizjes të përshkruara nga sasitë e vlerësimit për sigurinë e lëvizjes, ngarkesën në binarë dhe karakteristikat e udhëtimit (shih EN 14363).

Related directives

Directives related to this standards.