prSSH EN 1776:2025

Infrastrukturë për gaz - Sistemet e matjes së gazit - Kërkesat funksionale

Gas infrastructure - Gas measuring systems - Functional requirements

Scope

Ky dokument specifikon kërkesat funksionale për projektimin, ndërtimin, testimin, vendosjen në punë/nxjerrjen nga puna, funksionimin, mirëmbajtjen dhe kur është e përshtatshme, kalibrimin, së bashku me masa të dokumentuara të përshtatshme, për të gjitha sistemet e reja të matjes së gazit dhe çdo ndryshim të madh të sistemeve ekzistuese.
Ky dokument gjithashtu specifikon klasat e saktësisë së sistemeve të matjes dhe pragjet që zbatohen për këto klasa. Demonstrimi i përputhshmërisë arrihet përmes zgjedhjes, instalimit dhe funksionimit të instrumenteve të matjes të përshtatshme, së bashku me masa të dokumentuara për llogaritjet. Për secilën klasë saktësie jepen shembuj të vërtetimit të përputhshmërisë; megjithatë, këta shembuj nuk janë zgjidhje të detyrueshme.
Ky dokument zbatohet për gazrat e familjes së dytë siç klasifikohen në EN 437. Ai gjithashtu zbatohet për gazra të trajtuar jo-konvencionalë të djegshëm që përputhen me EN 437, për të cilët është kryer një vlerësim teknik i detajuar i kërkesave funksionale (p.sh. biometani i injektuar), duke siguruar që nuk ka përbërës ose veti të tjera të gazrave që mund të ndikojnë në integritetin metrologjik dhe fizik të sistemeve të matjes.
Ky version përmend çështje teknike për t’u marrë parasysh kur hidrogjeni dhe përzierjet gaz-natyral/hidrogjen rrjedhin përmes sistemeve të matjes. Përzierjet me përqindje hidrogjeni midis 20 mol% dhe 98 mol% nuk konsiderohen nga ky standard. Ky dokument zbatohet për hidrogjen me pastërti siç specifikohet në CEN/TS 17977 për sistemet e rinovuara të gazit natyror.
Ky dokument mund të përdoret gjithashtu si udhëzues për sistemet e matjes për gazra të tjerë, p.sh. CO₂ në gjendje gazi për CCUS.
Ky dokument nuk zbatohet për gazra të papërpunuar ose të thartë.
Ky dokument nuk zbatohet për matjen e gazit në stacionet e mbushjes CNG.
Ky dokument jep udhëzime për projektimin, instalimin dhe operimin e matësve të gazit me funksionalitete shtesë (smart gas meters).
Protokollet e komunikimit dhe ndërfaqet për matësit e gazit dhe leximin e largët të matësve të gazit janë jashtë fushës së këtij dokumenti dhe mbulohen nga pjesët përkatëse të serisë EN 13757, të cilat japin një numër protokollesh për komunikimin e matësve. Protokollet për kontrollin mbikëqyrës dhe të dhënave (SCADA) gjithashtu nuk mbulohen nga ky dokument.
Përveç nëse specifikohet ndryshe, të gjitha presionet e përdorura në këtë dokument janë presione manometrike (gauge pressures).
Për sistemet shoqëruese të rregullimit të presionit, zbatohen kërkesat e EN 12186 dhe/ose EN 12279.
Për kërkesat mbi projektimin, mbulesën, vendosjen, materialet e komponentëve, konstruksionin, ventilimin, çlirimin e gazit dhe sigurinë e përgjithshme të sistemeve të matjes së gazit brenda fushës së këtij dokumenti, zbatohen gjithashtu, ku është e përshtatshme, seria EN 15001, EN 12186, EN 12279 dhe/ose EN 1775.