SSH EN ISO 3506-3:2025

Elementë lidhës - Vetitë mekanike të elementëve lidhës prej çeliku të paoksidueshëm antikorrodues - Pjesa 3: Vida pa kokë (dhe elementë të ngjashëm që nuk i nënshtrohen ngarkesës në tërheqje) me grupe çeliku dhe klasa fortësie të specifikuara (ISO 3506-3:2025)

Fasteners - Mechanical properties of corrosion resistant stainless steel fasteners - Part 3: Set screws (and similar fasteners not under tensile stress) with specified grades and hardness classes (ISO 3506-3:2025)

Scope

Ky dokument përcakton vetitë mekanike dhe fizike të vidave pa kokë dhe elementëve të ngjashëm lidhës që nuk i nënshtrohen ngarkesës në tërheqje, të prodhuar prej çeliqesh austenitikë dhe dupleks të paoksidueshëm rezistent ndaj korrozionit, me grupe çeliku dhe klasa fortësie të specifikuara.
ISO 3506-6 jep rregulla të përgjithshme dhe informacion teknik shtesë mbi çeliqet e përshtatshme të paoksidueshme dhe vetitë e tyre (vetitë e detajuara të grupeve të çelikut të paoksidueshëm, sjellja ndaj korrozionit në lidhje me korrozionin me gropa, në të çara dhe ndërkokrrizor, vetitë magnetike, etj.).
PARALAJMËRIM - Vidat pa kokë që përputhen me kërkesat e këtij dokumenti provohen në intervalin e temperaturës së ambientit nga 10 °C deri në 35 °C dhe përdoren në aplikime me temperatura nga –20 °C deri në +150 °C. Është e mundur që ato të mos ruajnë vetitë mekanike dhe fizike të specifikuara në temperatura më të ulëta dhe/ose më të larta. Prandaj, është përgjegjësi e përdoruesit të përcaktojë zgjedhjen e përshtatshme në bazë të kushteve të mjedisit të shërbimit të montimit (shih gjithashtu Nenet 5 dhe 6).
Ky dokument zbatohet për vida pa kokë dhe elementë të ngjashëm lidhës që nuk i nënshtrohen ngarkesës në tërheqje:
- me filetim metrik ISO në përputhje me ISO 68-1;
- me kombinime diametër/hap në përputhje me ISO 261 dhe ISO 262;
- me diametër nominal të filetimit nga 1,6 mm deri në 24 mm;
- me toleranca të filetimit në përputhje me ISO 965-1 dhe ISO 965-2;
- me klasa fortësie të specifikuara;
- të çdo forme.
SHËNIM: Termi vida pa kokë përdoret në vijim për të gjitha vidat dhe elementët e ngjashëm lidhës që nuk i nënshtrohen ngarkesës në tërheqje brenda fushës së zbatimit të këtij dokumenti.
Ky dokument nuk zbatohet për vidat që i nënshtrohen ngarkesës në tërheqje (shih ISO 3506-1). Ai nuk specifikon kërkesa për vetitë funksionale si rezistenca në prerje ose saldueshmëria.