SSH EN ISO 23548:2025

Matja e radioaktivitetit - Radionuklide që emetojnë alfa - Metodë e përgjithshme prove duke përdorur spektrometri alfa (ISO 23548:2024)

Measurement of radioactivity - Alpha emitting radionuclides - Generic test method using alpha spectrometry (ISO 23548:2024)

Scope

Ky dokument përshkruan një metodë të përgjithshme prove për matjen e radionuklideve që emetojnë alfa, për të gjitha llojet e mostrave (tokë, sediment, materiale ndërtimi, produkte ushqimore, ujë, ajër, bio-indikatorë mjedisorë, si dhe mostra biologjike njerëzore si urinë, feçe, etj.), duke përdorur spektrometri alfa. Kjo metodë mund të përdoret për çdo lloj studimi mjedisor ose monitorimi të aktiviteteve të radionuklideve që emetojnë alfa.
Nëse është e nevojshme, kjo metodë prove kërkon një para-trajtim të përshtatshëm të mostrës, i ndjekur nga ndarje kimike specifike e pjesës për provë, me qëllim përftimin e një burimi të hollë të përshtatshëm për matje me spektrometri alfa.
Kjo metodë prove mund të përdoret për të përcaktuar aktivitetin, aktivitetin specifik ose përqendrimin e aktivitetit të një mostre që përmban radionuklide që emetojnë alfa si: ²¹⁰Po, ²²⁶Ra, ²²⁸Th, ²²⁹Th, ²³⁰Th, ²³²Th, ²³²U, ²³⁴U, ²³⁵U, ²³⁸U, ²³⁸Pu, ²³⁹+²⁴⁰Pu, ²⁴¹Am ose ²⁴³+²⁴⁴Cm.
Kjo metodë prove mund të përdoret për të matur nivele shumë të ulëta aktiviteti, një ose dy rend madhësie më të ulëta se nivelet natyrore të zakonshme të radionuklideve që emetojnë alfa. Shtojcat B të raporteve UNSCEAR 2000 dhe UNSCEAR 2008 japin, përkatësisht, përqendrime tipike natyrore të aktivitetit për ajrin, ushqimet, ujin e pijshëm, si dhe për tokën dhe materialet e ndërtimit. Kufiri i zbulimit të metodës së provës varet nga sasia e materialit të analizuar (masa ose vëllimi) pas përqendrimit, rendimenti kimik, trashësia e burimit të matjes dhe koha e numërimit.
Sasia e mostrës që duhet të merret dhe analizohet varet nga aktiviteti i pritshëm i mostrës dhe nga kufiri i zbulimit që synohet të arrihet.