SSH EN ISO 18589-7:2025

Matja e radioaktivitetit në mjedis - Toka - Pjesa 7: Matja në vend e radionuklideve që emetojnë gama (ISO 18589-7:2025)

Measurement of radioactivity in the environment - Soil - Part 7: In situ measurement of gamma-emitting radionuclides (ISO 18589-7:2025)

Scope

Ky dokument përcakton identifikimin e radionuklideve dhe matjen e aktivitetit të tyre në tokë, duke përdorur spektrometrinë gama në vend me sisteme portative të pajisura me detektorë gjermaniumi ose shkëndijash.
Ky dokument është i përshtatshëm për të vlerësuar me shpejtësi aktivitetin e radionuklideve artificiale dhe natyrore të depozituara ose të pranishme në shtresat e tokës në sipërfaqe të mëdha të një zone nën hetim.
Ky dokument mund të përdoret në lidhje me matjet e radionuklideve të mostrave të dheut në laborator (shih ISO 18589-3) në rastet e mëposhtme:
- mbikëqyrja rutinë e ndikimit të radioaktivitetit të shkarkuar nga instalimet bërthamore ose e evolucionit të radioaktivitetit në rajon;
- hetimet e situatave të aksidenteve dhe incidenteve;
- planifikimi dhe mbikëqyrja e veprimeve korrigjuese (remediale);
- nxjerrja jashtë punës e instalimeve ose pastrimi i materialeve.
Ai mund të përdoret gjithashtu për identifikimin e radionuklideve artificiale në ajër, gjatë vlerësimit të niveleve të ekspozimit brenda ndërtesave ose gjatë operacioneve të asgjësimit të mbetjeve.
Pas një aksidenti bërthamor, spektrometria gama në vend është një metodë e fuqishme për vlerësimin e shpejtë të aktivitetit gama të depozituar në sipërfaqen e tokës, si dhe të kontaminimit sipërfaqësor të objekteve të rrafshëta.
SHËNIM: Metoda e përshkruar në këtë dokument nuk është e përshtatshme kur shpërndarja hapësinore e radionuklideve në mjedis nuk dihet saktësisht (madhësitë ndikuese, shpërndarja e panjohur në tokë) ose në situata me fluks shumë të lartë fotonesh. Megjithatë, përdorimi i detektorëve me vëllim të vogël me elektronikë të përshtatshme lejon kryerjen e matjeve nën fluks të lartë fotonesh.