Publikuar
Ky dokument përcakton një procedurë prove të përshpejtuar në atmosferë, në dy variante të lidhura ngushtë me njëri-tjetrin, të cilat përfshijnë ekspozimin periodik ndaj kripës, të kombinuar me cikle dinamike të lagështisë: varianti A, në pikë vese konstante, dhe varianti B, në temperaturë konstante. Këto variante përdoren për vlerësimin e rezistencës ndaj korrozionit të metaleve në mjedise ku jonet e klorureve kanë ndikim të konsiderueshëm, kryesisht në formën e klorurit të natriumit, i cili gjendet, për shembull, në kripën që përdoret për shkrirjen e akullit në rrugë gjatë dimrit.
Rezultatet e përftuara nuk lejojnë nxjerrjen e përfundimeve të përgjithshme mbi rezistencën ndaj korrozionit të materialit metalik të testuar në të gjithë gamën e kushteve mjedisore në të cilat ai mund të përdoret. Megjithatë, kjo metodë jep informacion mbi rezistencën relative ndaj korrozionit të materialit të ekspozuar në mjedis të ndotur me kripë, në kushte të ndryshueshme të lagështisë.
Dy variantet e provës së përshpejtuar të korrozionit në laborator janë të zbatueshme për:
- metalet dhe lidhjet e tyre (me përmbajtje hekuri dhe jo);
- veshjet metalike;
- veshjet e konversionit kimik;
- veshjet organike mbi metale;
- kombinimet e materialeve dhe veshjeve që përfshijnë ndërveprime galvanike dhe/ose kushte të çarjeve (hapësirave të ngushta).
SHËNIM 1 Nëse çeliqet e pandryshkshëm me përmbajtje të ulët elementesh lidhës testohen sipas këtij dokumenti, veçanërisht klasat austenitike, ekziston rreziku i shfaqjes së korrozionit me gropa (pitting) në shkallë të ekzagjeruar, i cili nuk është përfaqësues i shumicës së mjediseve reale të përdorimit.
SHËNIM 2 Ky dokument nuk është i përshtatshëm për testimin e agjentëve mbrojtës kundër ndryshkut me bazë dylli ose vaji, për shkak të temperaturës vazhdimisht të lartë gjatë provës.
Ky dokument përcakton gjithashtu kërkesat për pajisjet e provës dhe përmban procedura të detajuara për kontrollin e cilësisë, duke përfshirë rekomandime për instrumentet matëse.
Ky dokument nuk përcakton përmasat e kampioneve të provës, kohëzgjatjen e ekspozimit që duhet të përdoret për një produkt të caktuar, apo mënyrën e interpretimit të rezultateve. Këto hollësi përcaktohen në specifikimet përkatëse të produktit.
WITHDRAWN
SSH EN ISO 16701:2015
PUBLISHED
SSH EN ISO 16701:2025
60.60
Standard published
11 nën 2026