SSH EN 1555-4:2025

Sisteme tubacionesh plastike për furnizim me lëndë djegëse të gaztë - Polietileni (PE) - Pjesa 4: Valvulat

Plastics piping systems for the supply of gaseous fuels - Polyethylene (PE) - Part 4: Valves

Scope

Ky dokument përcakton karakteristikat e valvulave të prodhuara nga polietileni (PE) për sistemet e tubacioneve në fushën e furnizimit me lëndë djegëse të gaztë.
Ai zbatohet për valvula izolimi njëdrejtimëshe dhe dydrejtimëshe me skaje të drejta (spigot ends) ose me elektrofuzion, me qëllim për t’u bashkuar me tuba ose rakorderi PE që përputhen me EN 1555-2 dhe EN 1555-3 përkatësisht.
Valvulat e prodhuara nga materiale të tjera përveç PE, të projektuara për furnizimin me lëndë djegëse të gaztë dhe që përputhen me standardet përkatëse, mund të përdoren në sistemet e tubacioneve PE sipas EN 1555 (të gjitha pjesët), me kusht që ato të kenë lidhje PE për bashkim me shkrirje (butt fusion) ose skaje për elektrofuzion, përfshirë nyje tranzicioni të integruara të materialit, në përputhje me EN 1555-3.
Ky dokument gjithashtu përcakton parametrat e provës për metodat e testimit të referuara në të.
Në lidhje me EN 1555-1, EN 1555-2, EN 1555-3 dhe EN 1555-5, ky dokument zbatohet për tuba, rakorderi dhe valvula prej PE, nyjet e tyre dhe nyjet me komponentë prej PE dhe materiale të tjera, me qëllim përdorimin në kushtet e mëposhtme:
a) presion maksimal pune (MOP) deri dhe përfshirë 10 bar në një temperaturë reference projektimi prej 20 °C;
SHËNIM 1: Për qëllimet e këtij dokumenti dhe referencave ndaj ISO 8233, MOP konsiderohet si presion nominal.
b) temperaturë pune nga −20 °C deri në 40 °C.
Për temperaturë midis 20 °C dhe 40 °C, koeficientët e reduktimit janë të përcaktuar në EN 1555-5.
Seria EN 1555 mbulon një gamë MOP-esh dhe jep kërkesa për ngjyrat.
Është përgjegjësi e blerësit ose specifikuesit të bëjë përzgjedhjet e duhura nga këto aspekte, duke marrë parasysh kërkesat e tyre të veçanta dhe çdo rregullore kombëtare ose praktika/kode instalimi përkatëse.
Ky dokument mbulon trupat e valvulave të projektuara për lidhje me tuba me diametër nominal të jashtëm dn ≤ 400 mm.
SHËNIM 2: Informacion shtesë lidhur me instalimin e sistemeve PE 100-RC jepet në EN 1555-1:2025, Aneksi A.
SHËNIM 3: Informacion shtesë mbi përshtatshmërinë e sistemeve PE për hidrogjenin dhe përzierjet e tij jepet në EN 1555-1:2025, Aneksi B.