SSH EN 17472:2022

Qëndrueshmëria e punimeve të ndërtimit - Vlerësimi i qëndrueshmërisë së punimeve të inxhinierisë së ndërtimit - Metodat e llogaritjes

Sustainability of construction works - Sustainability assessment of civil engineering works - Calculation methods

Scope

Ky dokument përcakton kërkesat dhe metodat specifike për vlerësimin e performancës mjedisore, ekonomike dhe sociale të punimeve të inxhinierisë civile, duke marrë në konsideratë funksionalitetin dhe karakteristikat teknike të saj. Nëpërmjet këtij dokumenti mbështetet procesi i vendimmarrjes për një projekt, duke ofruar një metodë të standardizuar që mundëson krahasueshmërinë e alternativave të projektit.
Vlerësimi i performancës mjedisore dhe ekonomike të punimeve të inxhinierisë civile bazohet në Vlerësimin e Ciklit të Jetës (Life Cycle Assessment – LCA), Kostot e Ciklit të Jetës (Life Cycle Cost – LCC), Kostot e Jetëgjatësisë së Plotë (Whole-Life Cost – WLC) dhe informacione të tjera të kuantifikuara mjedisore dhe ekonomike. Qasja e vlerësimit mbulon të gjitha fazat e ciklit të jetës së punimeve të inxhinierisë civile dhe përfshin të gjitha produktet e ndërtimit, proceset dhe shërbimet e lidhura me veprën, të përdorura gjatë gjithë ciklit të saj të jetës.
Ky dokument është i zbatueshëm për punime të reja dhe ekzistuese të inxhinierisë civile, si dhe për projekte rikonstruksioni. Performanca mjedisore bazohet në të dhëna të marra nga Deklaratat Mjedisore të Produkteve (Environmental Product Declarations – EPD) dhe tregues shtesë.
Ky dokument nuk zbatohet për vlerësimin e performancës mjedisore, sociale dhe ekonomike të ndërtesave si pjesë e punimeve të inxhinierisë civile; për këtë qëllim zbatohen standardet EN 15978, EN 16309 dhe EN 16627.