SSH EN 474-1:2022

Makineri për lëvizjen e dheut - Siguria - Pjesa 1: Kërkesa të përgjithshme

Earth-moving machinery - Safety - Part 1: General requirements

Scope

Ky dokument përcakton kërkesat e përgjithshme të sigurisë për makineritë e punimeve të dheut, këtu e tutje të quajtura makineritë, të përshkruara në EN ISO 6165:2012, me përjashtim të shpimeve drejtuese horizontale.
SHËNIM 1 Shpimet drejtuese horizontale mbulohen nga EN 16228-1 dhe EN 16228-3.
Ky dokument jep kërkesat e përbashkëta të sigurisë për familjet e makinerive të punimeve të dheut (shih EN ISO 6165:2012, 3.4) dhe synon të përdoret në lidhje me pjesët përkatëse të EN 474-2 deri në EN 474-13. Këto pjesë specifike për makineritë (EN 474-2 deri EN 474-13) nuk i përsërisin kërkesat e EN 474-1:2022, por i plotësojnë ose i modifikojnë kërkesat për familjen përkatëse të makinerive.
SHËNIM 2 Kërkesat e specifikuara në këtë pjesë të standardit janë të përbashkëta për dy ose më shumë familje makinerish të punimeve të dheut.
Ky dokument nuk jep kërkesa për qarqet elektrike kryesore dhe sistemet e drejtimit të makinerive kur burimi kryesor i energjisë është një furnizim elektrik i jashtëm.
Ky dokument nuk jep kërkesa të performancës për funksionet e sigurisë që lidhen me sistemin(et) e kontrollit (manovrimit).
Ky dokument nuk trajton tërheqjen e rimorkiove.
Ky dokument nuk trajton makineritë e demolimit (shkatërrimit).
Ky dokument trajton rreziqet e rëndësishme, situatat e rrezikshme dhe ngjarjet që lidhen me makineritë e punimeve të dheut, kur ato përdoren sipas qëllimit të tyre dhe në kushte të parashikuara, duke marrë parasysh gjithashtu çdo keqpërdorim të arsyeshëm të parashikueshëm (shih Aneksin A).
Rreziqet e mëposhtme të rëndësishme dhe përkatëse nuk mbulohen nga ky dokument:
- lazeri;
- rrufetë.
Ky dokument përcakton masat teknike të përshtatshme për të reduktuar rreziqet që rrjedhin nga rreziqet e rëndësishme, situatat e rrezikshme dhe ngjarjet gjatë gjithë ciklit të parashikueshëm të jetës së makinerisë, siç përshkruhet në EN ISO 12100:2010, pika 5.4.
Ky dokument nuk zbatohet për makineritë e punimeve të dheut që janë prodhuar përpara datës së publikimit të këtij dokumenti nga CEN.
SHËNIM 3 Për qarkullimin në rrugë publike, zbatohen rregulloret kombëtare të trafikut (p.sh. frenimi, drejtimi, ndriçimi, tërheqja, etj.) derisa të jenë të disponueshme kërkesa të harmonizuara.

Related directives

Directives related to this standards.