SSH EN ISO 898-2:2022

Elementë lidhës - Vetitë mekanike të elementëve lidhës prodhuar nga çelik me karbon dhe aliazhe çeliku - Pjesa 2: Dado të klasave me veti të specifikuara (ISO 898-2:2022)

Fasteners - Mechanical properties of fasteners made of carbon steel and alloy steel - Part 2: Nuts with specified property classes (ISO 898-2:2022)

Scope

Ky dokument specifikon vetitë mekanike dhe fizike të dadove të prodhuara prej çeliku jo-aliazh ose aliazh, kur testohen në intervalin e temperaturës së ambientit nga 10 °C deri në 35 °C. 
Ky dokument zbatohet për dado: 
- me fileto metrike ISO (shih ISO 68-1),
- me kombinime diametër/hap sipas ISO 261 dhe ISO 262,
- fileto me hap të gjerë M5 deri M39, dhe fileto hap të imët M8×1 deri M39×3,
- me tolerancë filetoje sipas ISO 965-1, ISO 965-2 ose ISO 965-5,
- me klasë të specifikuar vetish 04, 05, 5, 6, 8, 10 dhe 12, përfshirë provën e ngarkesës,
- të tre stileve të ndryshme dadoje (shih 5.1): dado të rregullta (stili 1), dado të gjera (stili 2) dhe dado të holla (stili 0),
- me diametër të jashtëm minimal ose gjerësi ndërmjet faqeve s më e madhe dhe duke përfshirë vlerën 1,45D,
- të afta të bashkohen me bulona, vida dhe bulona me fileto nga të dy krahët me klasa vetish në përputhje me ISO 898-1 (shih Aneksin B),
- me synimin për t'u përdorur në aplikime që variojnë nga –50 °C deri në +150 °C, ose deri në +300 °C. 
KUJDES - Dadot në përputhje me kërkesat e këtij dokumenti testohen në intervalin e temperaturës së ambientit nga 10 °C deri në 35 °C dhe përdoren në aplikime që variojnë nga –50 °C deri në +150 °C; megjithatë, këto dado përdoren edhe jashtë këtij intervali dhe deri në +300 °C për aplikime specifike. Është e mundur që ato të mos ruajnë vetitë e specifikuara mekanike dhe fizike në temperatura më të ulëta dhe/ose të larta. Prandaj, është përgjegjësi e përdoruesit të përcaktojë zgjedhjet e duhura bazuar në kushtet e mjedisit të punës në të cilin montohen (shih gjithashtu 7.1). 
Për specifikime shtesë të zbatueshme për dadot e galvanizuara, shih ISO 10684. 
Për dadot e projektuara për aplikime të veçanta, shih ISO/TR 16224. 
Ky dokument nuk specifikon kërkesa për vetitë funksionale si: 
vetitë e rrotullimit mbajtës (shih ISO 2320),
vetitë për forcën rrotulluese/shtrënguese (shih ISO 16047 për metodën e provës),
saldimi, ose
rezistenca ndaj korrozionit.