SSH ISO 4484-2:2023

Tekstile dhe produkte tekstile — Mikroplastikat nga materialet tekstile — Pjesa 2: Analiza cilësore dhe sasiore e mikroplastikës

Textiles and textile products — Microplastics from textile sources — Part 2: Qualitative and quantitative analysis of microplastics

Scope

Ky dokument përcakton një vlerësim analitik cilësor-sasior (d.m.th. përcaktim) të mikroplastikës me qëllim që të përcaktohet:

— numri i grimcave;
— morfologjia (tiparet morfologjike);
— shpërndarja dimensionale;
— lloji, origjina kimike ose natyra e polimereve dhe ngjyra e tyre, nëse është e pranishme.

Ky dokument është i zbatueshëm për përcaktimin e mikroplastikës (me origjinë nga sektori tekstil) të mbledhur në matrica të ndryshme (për shembull: ujëra të ndotura nga proceset tekstile, ujë nga larja e rrobave, emetimet në ajër nga proceset tekstile, mbetje të ngurta të proceseve tekstile).

Ky dokument përcakton paraqitjen e rezultateve në terma të sipërfaqes së vlerësuar dhe masës së mikroplastikës (MP) për njësi mostre. Ai mundëson paraqitjen e rezultateve të sasisë së mikroplastikës (MP) nga burime të ndryshme, përfshirë mostra që lidhen me prodhimin, përpunimin, trajtimin dhe përdorimin e tekstileve (si lëndë e parë, proces prodhimi, mostra si ujërat e larjes së rrobave, ajri dhe uji industrial i proceseve).

Ky dokument zbatohet për mostra nga sektori tekstil në matrica me gjendje fizike të ndryshme (e ngurtë, e lëngët ose e gaztë), për shembull:

— mostra të ngurta nga proceset e prodhimit tekstil;
— mostra uji nga procesi i prodhimit tekstil dhe/ose nga larja e veshjeve (p.sh. veshje ose tekstile të tjera; ISO 4484-1 ose ISO 4484-3 mund të përdoren për përgatitjen e një lëngu për testim);
— mostra ajri për të testuar cilësinë e ajrit në vendin e punës në ndërmarrjet tekstile.

Ky dokument, duke qenë në gjendje të japë informacion si madhësia, forma, sipërfaqja dhe masa (e vlerësuar), mundëson transferimin e informacionit të dobishëm për vlerësime ekotoksikologjike tek specialistët.