SSH ISO 37001:2025

Sistemet e menaxhimit kundër mitëmarrjes-Kërkesat me udhëzim për përdorim

Anti-bribery management systems — Requirements with guidance for use

Scope

Ky dokument përcakton kërkesat dhe ofron udhëzime për krijimin, zbatimin, mirëmbajtjen, rishikimin dhe përmirësimin e një sistemi të menaxhimit kundër mitëmarrjes. Ky sistem mund të jetë i pavarur ose të integrohet në një sistem të përgjithshëm menaxhimi.

Ky dokument trajton çështjet në vijim në lidhje me aktivitetet e organizatës:

— mitëmarrje në sektorin publik, privat dhe jofitimprurës;
— mitëmarrje nga organizata;
— mitëmarrje nga personeli i organizatës që vepron në emër të saj ose për përfitimin e saj;
— mitëmarrje nga bashkëpunëtorët e biznesit të organizatës që veprojnë në emër të saj ose për përfitimin e saj;
— mitëmarrje ndaj organizatës;
— mitëmarrje ndaj personelit të organizatës në lidhje me aktivitetet e organizatës;
— mitëmarrje ndaj bashkëpunëtorëve të organizatës në lidhje me aktivitetet e saj;
— mitëmarrje e drejtpërdrejtë dhe e tërthortë (p.sh. një ryshfet i ofruar ose i pranuar përmes ose nga një palë e tretë).

Ky dokument është i zbatueshëm vetëm për mitëmarrjen. Ai përcakton kërkesat dhe ofron udhëzime për një sistem menaxhimi të projektuar për të ndihmuar një organizatë të parandalojë, zbulojë dhe të reagojë ndaj mitëmarrjes, si dhe të përmbushë ligjet kundër mitëmarrjes dhe angazhimet vullnetare që lidhen me aktivitetet e saj.

Kërkesat e këtij dokumenti janë të përgjithshme dhe synojnë të jenë të zbatueshme për të gjitha organizatat (ose pjesë të një organizate), pavarësisht nga lloji, madhësia dhe natyra e aktivitetit, si dhe nëse ato operojnë në sektorin publik, privat apo jofitimprurës. Shkalla e zbatimit të këtyre kërkesave varet nga faktorët e specifikuar në pikat 4.1, 4.2 dhe 4.5.

SHËNIM 1: Shihni pikën A.2 për udhëzime.
SHËNIM 2: Masat e nevojshme për të parandaluar, zbuluar dhe zbutur rrezikun e mitëmarrjes nga ana e organizatës mund të jenë të ndryshme nga masat që përdoren për të parandaluar, zbuluar dhe reaguar ndaj mitëmarrjes ndaj organizatës (ose ndaj personelit apo bashkëpunëtorëve të saj që veprojnë në emrin e saj). Shihni pikën A.8 për udhëzime.