SSH EN 17206-2:2023

Teknologjia e argëtimeve - Makineri për skena dhe zona të tjera të produksionit - Pjesa 2: Kërkesa për sigurinë për stendat dhe paisjet ngritëse

Entertainment technology - Machinery for stages and other production areas - Part 2: Safety requirements for stands and truss lifts

Scope

Dokumenti zbatohet për stendat me funksionim manual dhe/ose të pajisura me energji, me një Kufi të Ngarkesës së Lejuar për Përdorim në Evente (ELL) më të madh se 3 kg.
Shënim 1: ELL (Entertainment Load Limit) është ngarkesa maksimale që një pajisje ngritëse është projektuar të ngrejë, ulë ose mbajë në mënyrë të qëndrueshme.

Ky dokument përbën Pjesën 2 të serisë EN 17206.

Dokumenti zbatohet për stendat që përdoren në ambiente të grumbullimit publik dhe në hapësira skenike ose objekte produksioni për evente dhe shfaqje teatrore.

Sipas këtij dokumenti, “stendat” janë pajisje të përdorura për qëllime të ngritjes, uljes ose mbajtjes së ngarkesave, si:
— elementë skenikë,
— trarë strukturorë (trusses),
— pajisje ndriçimi,
— pajisje audiovizive.

Është gjithashtu e mundur që disa stenda të mbajnë së bashku një ngarkesë të përbashkët.

Këto instalime nuk lejohen të përdoren për:

transportimin e njerëzve;

lëvizjen e ngarkesave mbi kokat e njerëzve.

Qëndrimi nën ngarkesa lejohet vetëm kur ngarkesat janë të palëvizshme dhe të sigurta.

Shënim 2: Gjatë procesit të montimit, operatori mund të qëndrojë për një periudhë të shkurtër kohore në zonën e rrezikut, për arsye funksionale.

Ky dokument gjithashtu zbatohet për instalime që përfshijnë teknologji të reja ose dizajne të personalizuara, të cilat nuk përmenden shprehimisht këtu, por funksionojnë në mënyrë të ngjashme me ato të përshkruara.

Ky dokument nuk zbatohet për:
— stenda me kufi ngarkese ≤ 3 kg;
— stenda për kamera;
— stenda të ndërtuara prej druri.

Gjithashtu, dokumenti përcakton informacionin që duhet të shkëmbehet midis prodhuesve dhe përdoruesve, si dhe detajet që duhen ofruar për përdorimin e synuar të instalimeve mekanike.

Rreziqet e rëndësishme që mbulon ky dokument janë përshkruar në Kreun 4.