SSH EN 10334:2024

Çelik për amballazhim - Produkte fletë çeliku të parashikuara për përdorim në kontakt me ushqime, produkte dhe pije për konsum njerëzor dhe shtazor - Çelik i pa veshur (llamarinë e zezë)

Steel for packaging - Flat steel products intended for use in contact with foodstuffs, products and beverages for human and animal consumption - Non-coated steel (blackplate)

Scope

Ky dokument specifikon përmbajtjen maksimale të elementëve lidhës dhe të mbetur (shih Tabelën 1), të pranishëm në çelikun (zakonisht të quajtur "llamarinë e zezë") të përdorur në prodhimin e paketimit dhe komponentëve të tij, ose në çelikun e veshur, i cili, si produkt i përfunduar, është i destinuar për përdorim në kontakt të drejtpërdrejtë me ushqime, produkte dhe pije për konsum njerëzor ose për ushqim për kafshë shtëpiake.
Për përdorime të tilla, llamarina e zezë zakonisht vishet, por mund të përdoret edhe pa veshje për disa produkte yndyrore ose të thata.
Shembujt kryesorë të përdorimit janë:
çeliku i veshur me kallaj dhe me krom/oksid kromi në mënyrë elektrolitike, për prodhimin e kanaçeve për ushqime dhe pije;
kanaçe për paketimin e ushqimeve (si sheqer, çaj, ëmbëlsira, çokollatë, makarona, etj.);
fuçi, bidonë dhe kazanë për vajra jo-minerale.
Zgjedhja e materialit duhet të jetë e përshtatshme me kushtet e përdorimit.
Ky standard zbatohet për shirita të petëzuar në të ftohtë në formë spiraleje ose fletësh.
Ky standard nuk zbatohet për kategori të tjera çeliku, përveç atij të destinuar për paketim që do të përdoret në kontakt me ushqime, produkte ose pije për konsum nga njerëzit ose kafshët.