SSH EN 17942:2024

Saldimi dhe proceset e lidhura me të - Pajisje për saldim me gaz - Kërkesat e sigurisë për pajisjet termoprocesuese me pajisje saldimi me gaz oksigjen-karburant me djegie të hapur

Welding and allied processes - Gas welding equipment - Safety requirements for thermoprocess equipment with open firing oxy-fuel gas welding equipment

Scope

Ky dokument, së bashku me EN 746-1, EN 746-2 dhe EN 746-11, përcakton kërkesat e sigurisë për pajisjet industriale të termoprocesimit (IThE) me “pajisje saldimi me gaz oksigjen-karburant me flakë të hapur”, si dhe për sistemet përkatëse të shpërndarjes së gazit dhe sistemet mbrojtëse. Ky dokument zbatohet për IThE që furnizohen me gazra të djegshëm.
IThE që janë në fushën e aplikimit të këtij dokumenti duhet të jenë në gjendje të funksionojnë në kushtet e mëposhtme ambientale:
Gama e temperaturës;
gjatë funksionimit: +5°C deri në +40°C;
gjatë transportit dhe ruajtjes: -5°C deri në +55°C;
lagështia relative: deri në 90% në 20°C, pa kondensim.
Ky dokument mbulon rreziqet e rëndësishme, situatat e rrezikshme dhe ngjarjet e listuara në Shtojcën A për IThE me gaz oksigjen-karburant, sistemet përkatëse të furnizimit me gaz dhe sistemet mbrojtëse, duke supozuar se ato përdoren sipas qëllimit dhe në kushtet e specifikuara nga prodhuesi.
Ky dokument zbatohet për:
sistemin e shpërndarjes së gazit, duke filluar në drejtimin e rrjedhës nga valvula kryesore manuale e izolimit në hyrjen e pajisjes së termoprocesimit;
djegësin, grupin e djegësit dhe pajisjet e ndezjes, me flakë të hapur;
sistemin e kontrollit të sigurisë (sistemi mbrojtës).
Ky dokument është i zbatueshëm për të gjitha llojet e djegies së gazrave karburant me ajër atmosferik, ajër të kompresuar ose oksigjen. Ky dokument gjithashtu përfshin kërkesat e nevojshme për informimin e përdoruesit.
Ky dokument nuk zbatohet për:
djegësit manualë, sistemet për spërkatje me flakë dhe pishtarët për mikro saldim;
sistemet për saldim, prerje dhe procese të ngjashme duke përdorur teknologji plazma dhe lazer;
rreziqet që lindin si rezultat i çlirimit të substancave të ndezshme nga produktet që përpunohen në IThE;
instalimet elektrike dhe kabllot për rrymë të lartë të lidhura përpara kabinetit/panelit të kontrollit/sistemit mbrojtës të IThE.
Zhurma dhe rrezatimi optik mund të shkaktojnë rreziqe të konsiderueshme gjatë përdorimit të pajisjeve për saldim me gaz. Këto nuk përfshihen në këtë dokument.
Ky dokument nuk zbatohet për IThE me gaz oksigjen-karburant, sistemet përkatëse të furnizimit me gaz dhe sistemet mbrojtëse të prodhuara para datës së publikimit të këtij dokumenti në Gazetën Zyrtare të BE-së.

Related directives

Directives related to this standards.