SSH EN 1143-2:2024

Njësite për ruajtje të sigurtë - Kërkesat, klasifikimi dhe metodat e provave për rezistencën ndaj shkatërimit (vjedhjes) - Pjesa 2: Sistemet e depozitimit

Secure storage units - Requirements, classification and methods of tests for resistance to burglary - Part 2: Deposit systems

Scope

Ky dokument përcakton kërkesat dhe metodat e testimit për sistemet e depozitimit, dhe klasifikon sistemet sipas rezistencës së tyre ndaj vjedhjes dhe rezistencës ndaj vjedhjes së depozitave.
Ky dokument përfshin dy lloje sistemesh depozitimi:
— Kasaforta të natës që ofrojnë shërbime depozitimi për klientët e institucioneve financiare, pa i lejuar ata të kenë qasje në atë që ndodhet brenda kasafortës së natës.
— Kasaforta depozitimi që i mundësojnë personelit të një kompanie të vendosë para ose sende me vlerë nën ruajtje të sigurt, pa i lejuar ata të kenë qasje në atë që ndodhet brenda kasafortës së depozitimit. Kushti për instalimin e kasafortës së depozitimit, sipas këtij dokumenti, është që funksionet e depozitimit të jenë të instaluara brenda ambienteve të kompanisë dhe të jenë në dispozicion vetëm për personelin e kompanisë.

SHËNIM: Pjesë e një sistemi depozitimi janë një njësi pranimi, një njësi hyrjeje dhe në disa raste, një kanal hedhjeje.
Ky dokument përfshin kërkesat e projektimit për sistemet e depozitimit të kontrolluara nga kontrollues të programueshëm dhe për softuerin e tyre. Testimi i harduerit të kontrolluesit kufizohet në sulmet mekanike ose elektromekanike ndaj motorëve elektrikë, sensorëve, bobinave dhe pajisjeve të ngjashme; por testimi i softuerit si përpjekje për të ndikuar në softuerin ose harduerin e kontrolluesit nuk përfshihet në këtë dokument.
Sistemet e depozitimit mund të kenë pajisje për funksione të tilla si identifikimi i përdoruesit dhe/ose numërimi dhe regjistrimi i parave. Testimet dhe kërkesat për klasifikimin e këtyre funksioneve nuk përfshihen.
Ky dokument nuk mbulon mbrojtjen e personave që përdorin sistemin e depozitimit apo parandalimin e mashtrimeve të kryera nga operatorët e sistemit të depozitimit.