SSH EN ISO 56008:2024

Menaxhimi i inovacionit - Mjete dhe metoda për matjet e operacioneve të inovacionit - Udhëzues (ISO 56008:2024)

Innovation management - Tools and methods for innovation operation measurements - Guidance (ISO 56008:2024)

Scope

Ky dokument ofron udhëzime për përcaktimin, zbatimin, vlerësimin dhe përmirësimin e matjeve të nevojshme për të menaxhuar në mënyrë efektive aktivitetet e inovacionit në një organizatë. Ai përcakton bazat e matjeve të operacioneve të inovacionit dhe udhëzon për aplikimin e tyre në katër fusha:
— matje për përcaktimin dhe nisjen e nismave të inovacionit;
— matje për proceset e inovacionit;
— matje për nismat e inovacionit;
— matje të portofolëve të inovacionit.
Ky dokument është i zbatueshëm për:
— organizatat që kërkojnë të përcaktojnë dhe zbatojnë një qasje për matjen e operacioneve të inovacionit;
— organizatat dhe palët e interesuara që synojnë të përmirësojnë fushat e përgjegjshmërisë, transparencës dhe vlerësimit të bazuar në prova të operacioneve të inovacionit;
— klientët, investitorët dhe palët e tjera të interesuara që kërkojnë besim në menaxhimin e operacioneve të inovacionit nga organizata dhe në rezultatet e tyre;
— ofruesit e trajnimeve në operacionet dhe matjet e inovacionit, përfshirë vlerësimin dhe konsulencën për arritjen e rezultateve;
— ekspertët në vlerësimin e operacioneve të inovacionit dhe vlerësimin e ndikimit, që mbështesin përdorimin e një standardi të harmonizuar ndërkombëtar udhëzues;
— hartuesit e politikave të inovacionit dhe menaxherët e programeve që kërkojnë të marrin prova për përparimin dhe rezultatet e dëshiruara të aktiviteteve të inovacionit të mbështetura përmes politikave dhe programeve publike.
Të gjitha udhëzimet e ofruara në këtë dokument janë të përgjithshme dhe kanë për qëllim të jenë të zbatueshme për:
— të gjitha llojet e organizatave, pa marrë parasysh sektorin apo madhësinë, qofshin ato private, publike, jofitimprurëse, qeveritare apo shoqërore;
— të gjitha llojet e inovacioneve (p.sh. produkt, shërbim, proces, model dhe metodë), nga ato graduale deri tek ato radikale;
— të gjitha llojet e horizonteve kohore, nga vlerësimi dhe matja afatshkurtër deri tek ajo afatgjatë.