prSSH EN 13814-1:2019+A1:2024

Siguria e pajisjeve argëtuese - Pjesa 1: Projektimi dhe prodhimi

Safety of amusement rides and amusement devices - Part 1: Design and manufacture

Scope

Ky dokument specifikon kërkesat minimale të nevojshme për të siguruar projektimin, llogaritjen, prodhimin dhe instalimin e sigurt të makinerive dhe strukturave të lëvizshme, të përkohshme ose të instaluara përgjithmonë, të cilat janë të menduara për t'u përdorur nga personat si një aktivitet i kohës së lirë, p.sh. karusel rrotullues, pajisje me lëkundje, varka, karusel panoramik, karusel me shina, rrëshkitëset, kabina, shfaqje dhe struktura për shfaqje artistike ajrore. Artikujt e mësipërm quhen në vijimësi pajisje argëtuese, të cilat synohen të instalohen si në mënyrë të përsëritur pa degradim ose humbje të integritetit, ashtu edhe përkohësisht ose përgjithmonë në terrene panairesh dhe parqe dëfrimi ose në ndonjë vend tjetër. Tribunat, instalimet e kantierit, skelat, strukturat bujqësore të lëvizshme, pajisjet e thjeshta argëtuese për fëmijë me monedha, që transportojnë deri në tre fëmijë dhe pajisjet rekreative si rrëshqitjet e ujit ose pistat e rrëshqitjes verore, pajisjet e këndeve të lojërave, fushat me litar, muret e ngjitjes, fryrëset, trampolina, pishinat nuk janë pajisje të mbuluara nga ky dokument (lista nuk është ezauruese).
Për të gjitha pajisjet që nuk mbulohen nga kërkesat e EN 13814 1, zbatohen standardet përkatëse.
Megjithatë, ky dokument mund të përdoret në projektimin e çdo pajisjeje argëtimi të ngjashme në strukturë ose në mënyrën e përdorimit që nuk përmendet në mënyrë eksplicite këtu.
Për sa i përket shëndetit dhe sigurisë së punëtorëve, zbatohen rregulloret kombëtare.
Ky dokument është i zbatueshëm për prodhimin dhe modifikimin e madh të pajisjeve argëtuese për projektim pas datës efektive të publikimit.