Organizmi i standardizimit për Hollandën (NEN), anëtar i Komitetit Evropian për Standardizimin (CEN), njofton se në datat 5 dhe 6 tetor 2020 organizon një seminar në internet me temë: Përshtatja e standardeve me ndryshimet klimatike - Qasjet, sfidat dhe mendimet në lidhje me ndryshimet klimatike________.
Informacion në lidhje me zhvillimin e seminarit në internet!
Gjatë seminarit dy ditor në internet pjesëmarrësit do të diskutojnë në lidhje me çështje praktike të hasura nga ndryshimet klimatike në hartimin e standardeve. Kryesisht seminari do të fokusohet në standardet e hartuara dhe rishikuara për ndërtesat, energjinë, transportin dhe infrastrukturën e teknologjinë e informacionit dhe komunikimit (TIK).
Qëllimi i këtij seminari është diskutimi dhe të mblidhja e eksperiencave dhe rekomandimeve nga palët e interesuara, pjesëmarrëse në lidhje me materialet, që duhen në rishikimin e standardeve, të cilat do të shërbejnë për t'u përballur me sfidat e klimës në ndryshim.
Në ditën e parë do të trajtohen qasjet konkrete dhe shembujt në standarde. Do të diskutohen dhe vlerësohen pikat e forta dhe të dobëta të udhëzimeve ekzistuese për ndryshimet klimatike në standardizim.
Në ditën e dytë të seminarit në internet do të diskutohen çështje për në lidhje me ndryshimet klimatike në të ardhmen, të cilat do të ndikojnë në rishikimin e standardeve ekzistuese dhe hartimin e standardeve të reja.
Kush mund të marrë pjesë në seminarin në internet?
Të gjithë hartuesit e standardeve të interesuar në përshtatjen e standardeve me ndryshimet e klimës, veçanërisht palët e interesuara në standardet e sektorit të infrastrukturës (Ndërtimit, Energjisë, Transportit, TIK-ut), ekspertë nga sektori meteorologjik, si dhe ekspertë , të cilët studiojnë ndryshimet e klimatike dhe palë të tjera të interesuara.
Për më tepër informacion në lidhje me seminarin në internet dhe pjesëmarrjen klikoni në adresën e internetit si më poshtë:
https://www.cencenelec.eu/news/events/Pages/EV-2020-37.aspx
Për çdo rast mund të na kontaktoni në adresën:
Drejtoria e Përgjithshme e Standardizimit (DPS)
Rruga: "Reshit Çollaku" (godina e ILDKPKI, kati VI)
Kutia Postare 98
1014 Tiranë – Shqipëri
Tel: + 355 (4) 222 62 55
Fax: + 355 (4) 224 71 77
E-mail: info@dps.gov.al
English