Standardi ISO 45001 është standardi i vetëm për menaxhimin e shëndetit dhe sigurisë në punë, i cili është hartuar duke u bazuar në praktikat më të mira ndërkombëtare për menaxhimin e shëndetit në punë. Organizata Ndërkombëtare për Standardizim (ISO) ka publikuar versionin e këtij standardi.
Puna me sigurime dhe me të drejta të plota është punë e sigurt, sipas Organizatës Ndërkombëtare të Punës. Çdo vit, sipas statistikave, rreth 2.78 milion njerëz në botë humbin jetën nga aksidente ose sëmundje të lidhura me profesionin e tyre. Në pozitat e pasigurta të punës ndodhin qindra miliona aksidente dhe shkaktohen sëmundje profesionale, të cilat sjellin kosto të konsiderueshme shoqërore dhe ekonomike.
Standardi ISO 45001, Sistemet e menaxhimit të shëndetit dhe sigurisë në punë - Kërkesat dhe udhëzimet për përdorim, synon të përmirësojë këto statistika duke ofruar një model për menaxhimin e shëndetit dhe sigurisë në punë, i cili do të zvogëlojë rreziqet në vendin e punës, për të përmirësuar shëndetin, për të rritur sigurinë dhe për të promovuar mirëqenien në punë.
Përfitimet e zbatimit të këtij standardi janë të shumta, si: reduktimi i rrezikut të shfaqjes së simptomave të sëmundjeve profesionale dhe ndodhjes së aksidenteve në punë, deklarimi në kohë dhe i saktë i sigurimeve për punonjësit, sjellja më pozitive në ndërmarrje dhe bashkëpunimi më i mirë me klientët, furnizuesit dhe palët e treta.
English