DPS ka publikuar standardin SSH ISO 37001:2025 “Sistemet e menaxhimit kundër mitëmarrjes-Kërkesat me udhëzime për përdorim”

Standardi përcakton kërkesat dhe ofron udhëzime për krijimin, zbatimin, mirëmbajtjen, rishikimin dhe përmirësimin e një sistemi të menaxhimit kundër mitëmarrjes. Ky sistem mund të jetë i pavarur ose mund të integrohet në një sistem të përgjithshëm menaxhimi.

Ai trajton çështje të ndryshme lidhur me aktivitetet e organizatës, përfshirë:

• Mitëmarrjen në sektorin publik, privat dhe jofitimprurës;
• Mitëmarrjen nga organizata;
• Mitëmarrjen nga personeli i organizatës që vepron në emër të saj ose për përfitimin e saj;
• Mitëmarrjen nga bashkëpunëtorët e biznesit të organizatës që veprojnë në emër të saj ose për përfitimin e saj;
• Mitëmarrjen ndaj organizatës;
• Mitëmarrjen ndaj personelit të organizatës në lidhje me aktivitetet e organizatës;
• Mitëmarrjen ndaj bashkëpunëtorëve të organizatës në lidhje me aktivitetet e saj;
• Mitëmarrjen e drejtpërdrejtë dhe të tërthortë (p.sh., një ryshfet i ofruar ose i pranuar përmes ose nga një palë e tretë).

Standardi është i zbatueshëm vetëm për mitëmarrjen. Ai përcakton kërkesat dhe ofron udhëzime për një sistem menaxhimi të projektuar për të ndihmuar organizatën të parandalojë, zbulojë dhe të reagojë ndaj mitëmarrjes, si dhe për të përmbushur detyrimet ligjore kundër mitëmarrjes, që lidhen me aktivitetet e saj.

Kërkesat e këtij standardi janë të përgjithshme dhe synojnë të jenë të zbatueshme për të gjitha organizatat (ose pjesë të një organizate), pa marrë parasysh llojin, madhësinë dhe natyrën e aktivitetit të tyre, si dhe nëse ato veprojnë në sektorin publik, privat.