DPS ka publikuar standardin SSH EN ISO 22367:2020 “Laboratorët mjekësorë - Zbatimi i menaxhimit të rrezikut në laboratorët mjekësorë (ISO 22367:2020)”

Ky standard përcakton një procesi i cili realizohet në një laborator mjekësor për të identifikuar dhe menaxhuar rreziqet për pacientët, punonjësit e laboratorit dhe ofruesit e shërbimeve që lidhen me ekzaminimet laboratorike mjekësore. Procesi përfshin identifikimin, vlerësimin, kontrollin dhe monitorimin e rreziqeve. Kërkesat e këtij standardi janë të zbatueshme për të gjitha aspektet e ekzaminimeve dhe shërbimeve të një laboratori mjekësor, duke përfshirë aspektet e para-ekzaminimit dhe pas ekzaminimit, ekzaminimet, transmetimin e saktë të rezultateve të testit në dosjen elektronike mjekësore dhe proceset e tjera teknike dhe menaxhuese të përshkruara në standardin ISO 15189. Standardi nuk specifikon nivelet e pranueshme të rrezikut.