SSH EN 12693:2026

Sisteme ftohës dhe pompa nxehtësie - Kërkesat e sigurisë dhe të mjedisit - Kompresorët ftohës të llojit volumetrik

Refrigerating systems and heat pumps - Safety and environmental requirements - Positive displacement refrigerant compressors

Scope

Ky dokument zbatohet për kompresorët volumetrikë për fluidet ftohëse, të përdorur në sisteme të pa-lëvizshme dhe të lëvizshme të ftohjes dhe në pompat e nxehtësisë, të cilët në vijim do të quhen kompresorë.
Ai zbatohet për kompresorët e përdorur në pajisjet tregtare dhe industriale, të furnizuar me energji elektrike, duke përfshirë motorët e integruar, me tension deri në 1 000 V AC dhe 1 500 V DC.
Ai zbatohet për kompresorët me transmision të hapur, kompresorët gjysmëhermetikë dhe kompresorët hermetikë me motor, të cilët përfshijnë funksionin e kompresimit volumetrik.
Ky dokument nuk zbatohet për:
- kompresorët e përdorur në pajisjet shtëpiake, për të cilët zbatohet EN IEC 60335-2-34;
- kompresorët që përdorin ujin ose ajrin si fluid ftohës;
- kompresorët në sistemet e kondicionimit të ajrit të automjeteve, të cilët mbulohen nga një standard specifik produkti, p.sh. ISO 13043.
Ky dokument nuk trajton kërkesat për emetimin e zhurmës.
SHËNIM 1: Kompresorët për sistemet e kondicionimit të ajrit të automjeteve, që përdoren për komfort termik, mund të zhvillohen, për shembull, në përputhje me SAE J 639.
SHËNIM 2: Emetimi i zhurmës varet nga instalimi i plotë i kompresorëve të integruar dhe nga kushtet përkatëse të funksionimit.
Për kompresorët gjysmëhermetikë dhe kompresorët me transmision të hapur, të cilët përfshijnë pjesë lëvizëse dhe për të cilët mbështjellësi i jashtëm është projektuar kryesisht për të përballuar ngarkesat mekanike, ngarkesat termike (për të kufizuar deformimet e mundshme për shkak të temperaturës) dhe për të siguruar ngurtësinë e strukturës (në raport me ngarkesat e jashtme mekanike dhe peshën e pajisjes), duke marrë parasysh praktikat e konsoliduara të sigurta industriale, konsiderohet se presioni nuk përbën një faktor të rëndësishëm projektimi.
Pjesët e bashkëngjitura që kryejnë funksione të tjera, si p.sh. ndarësit e vajit, ftohësit e vajit dhe akumulatorët e thithjes, duhet të jenë në përputhje me EN 14276-1 ose EN 13445-6 (për gizën), ose EN 13445-8 (për aluminin), ose të dëshmojnë përputhshmërinë me kërkesat përkatëse evropiane. Kjo zbatohet gjithashtu për mbështjellësit e kompresorëve hermetikë, pavarësisht nëse janë të salduar apo të bashkuar me çfarëdo lloj bashkimi të përhershëm.
Kërkesat për kompresorët e përdorur në atmosfera potencialisht shpërthyese nuk mbulohen nga ky dokument.
SHËNIM 3: Për udhëzime të mëtejshme, shih EN 1127-1.
Ky dokument trajton rreziqet e rëndësishme, situatat e rrezikshme dhe ngjarjet që lidhen me kompresorët, kur ata përdoren sipas qëllimit të parashikuar dhe në kushtet e keqpërdorimit që mund të parashikohen në mënyrë të arsyeshme nga prodhuesi (shih pikën 4).
Ky dokument përcakton kërkesat e sigurisë për projektimin, ndërtimin, prodhimin dhe testimin, dokumentacionin dhe shënjimin e kompresorëve, duke përfshirë aksesorët e integruar, p.sh. valvulën e mbylljes, kur është e nevojshme.
Ky dokument lidhet me vetë kompresorin, i cili është parashikuar të integrohet në një sistem ftohjeje.
Ky dokument nuk zbatohet për kompresorët e përfshirë në fushën e tij të zbatimit, të cilët janë prodhuar përpara datës së publikimit të tij.

Related directives

Directives related to this standards.