prSSH EN ISO 18674-5:2019

Studim dhe testim gjeoteknik - Monitorim gjeoteknik me instrumente në terren - Pjesa 5: Matjet e ndryshimit të sforcimit me anë të qelizave të presionit total (TPC) (ISO 18674-5:2019)

Geotechnical investigation and testing - Geotechnical monitoring by field instrumentation - Part 5: Stress change measurements by total pressure cells (TPC) (ISO 18674-5:2019)

Scope

Ky dokument përcakton matjen e ndryshimeve të sforcimit me anë të qelizave të presionit total (TPC). Rregullat e përgjithshme për monitorimin e sjelljes së terrenit, të strukturave që bashkëveprojnë me terrenin, të mbushjeve gjeoteknike dhe të punimeve gjeoteknike janë paraqitur në ISO 18674‑1.
Kur përdoret në lidhje me ISO 18674‑4, ky dokument mundëson përcaktimin e sforcimit efektiv që vepron në terren.
Ky dokument është i zbatueshëm për:
- monitorimin e ndryshimeve të gjendjes së sforcimit në terren dhe në struktura gjeoinxhinierike (p.sh. në diga me mbushje dheu ose veshje tunelesh);
- monitorimin e presioneve të kontaktit në ndërfaqen midis dy mjediseve (p.sh. presioni i dheut mbi një mur mbajtës; presioni i kontaktit në bazën e një themeli);
- verifikimin e projekteve gjeoteknike dhe përshtatjen e ndërtimit në lidhje me procedurën e Projektimit të Bazuar në Vëzhgim (Observational Design);
- vlerësimin e qëndrueshmërisë gjatë ose pas ndërtimit.
Udhëzimet për zbatimin e TPC-ve në inxhinierinë gjeoteknike janë paraqitur në Shtojcën B.
SHËNIM Ky dokument përmbush kërkesat për monitorimin e sjelljes së terrenit, të strukturave që bashkëveprojnë me terrenin dhe të punimeve gjeoteknike me anë të qelizave të presionit total, si pjesë e studimeve dhe testimit gjeoteknik në përputhje me EN 1997-1[1] dhe EN 1997-2[2].