prSSH EN ISO 18674-4:2020

Studim dhe testim gjeoteknik - Monitorim gjeoteknik me instrumente në terren - Pjesa 4: Matja e presionit të ujit në pore: Piezometrat (ISO 18674-4:2020)

Geotechnical investigation and testing - Geotechnical monitoring by field instrumentation - Part 4: Measurement of pore water pressure: Piezometers (ISO 18674-4:2020)

Scope

Ky dokument specifikon matjen e presionit të ujit në pore dhe të niveleve piezometrike në terrene të ngopura me ujë, me anë të piezometrave të instaluar për monitorim gjeoteknik. Rregullat e përgjithshme për monitorimin e sjelljes së terrenit, të strukturave që ndërveprojnë me terrenin, të mbushjeve gjeoteknike dhe të veprave gjeoteknike paraqiten në ISO 18674-1.
Kur zbatohet së bashku me ISO 18674-5, procedurat e përshkruara në këtë dokument mundësojnë përcaktimin e sforcimeve efektive që veprojnë në terren.
Ky dokument zbatohet për:
- monitorimin e presioneve të ujit që veprojnë në dhe brenda strukturave gjeoteknike (p.sh. mure bregdetare, diga, mure gërmimi, themele, diga hidroenergjetike, tunele, shpate, argjinatura etj.);
- monitorimin e proceseve të konsolidimit të tokës dhe mbushjeve (p.sh. nën themele dhe në argjinatura);
- vlerësimin e qëndrueshmërisë dhe të funksionalitetit të strukturave gjeoteknike;
- verifikimin e projektimeve gjeoteknike në lidhje me procedurën e Projektimit sipas Metodës së Vëzhgimit.
SHËNIM Ky dokument përmbush kërkesat për monitorimin e sjelljes së terrenit, të strukturave që ndërveprojnë me terrenin dhe të veprave gjeoteknike, me anë të piezometrave të instaluar si pjesë e investigimit dhe provave gjeoteknike, në përputhje me Referencat [4] dhe [5]. Ky dokument lidhet me pajisjet matëse që instalohen në terren. Për matjet e presionit të ujit në pore të kryera në lidhje me provat e penetrimit me kon, shih ISO 22476-1.