SSH ISO 22475-1:2021

Studimi dhe testimi gjeoteknik - Metoda për marrjen e mostrës dhe matjet e ujërave nëntokësore - Pjesa 1: Parimet teknike për marrjen e mostrës së dherave, shkëmbinjve dhe ujërave nëntokësore

Geotechnical investigation and testing — Sampling methods and groundwater measurements — Part 1: Technical principles for the sampling of soil, rock and groundwater

Scope

Ky dokument trajton parimet e marrjes së mostrës së tokës, shkëmbit dhe ujërave nëntokësore si pjesë e programit të studimit dhe testimit gjeoteknik.
SHËNIM 1 Ky dokument përmbush kërkesat për marrjen e mostrës së tokës, shkëmbit dhe ujërave nëntokësore, si dhe për matjet e ujërave nëntokësore, si pjesë e programit të studimit dhe testimit gjeoteknik sipas EN 1997-1 dhe EN 1997-2.
Qëllimet e këtyre studimeve të terrenit janë:
a) të sigurohen mostra të tokës, shkëmbit dhe ujit me cilësi të përshtatshme për të vlerësuar përshtatshmërinë e përgjithshme të një vendi për qëllime të inxhinierisë gjeoteknike dhe për të përcaktuar karakteristikat e nevojshme të tokës në laborator;
b) të merret informacion mbi renditjen, trashësinë dhe orientimin e shtresave dhe ndërprerjeve;
c) të përcaktohet tipi, përbërja dhe gjendja e shtresave;
d) të merret informacion mbi kushtet e ujërave nëntokësore dhe të sigurohen mostra uji për vlerësimin e ndërveprimit midis ujërave nëntokësore, tokës, shkëmbit dhe materialeve të ndërtimit.
Marrja e mostrave të tokës për qëllime të studimeve bujqësore dhe mjedisore nuk përfshihet.
SHËNIM 2 Udhëzime për marrjen e mostrave të tokës për këto qëllime, përfshirë edhe vendet e ndotura ose potencialisht të ndotura, jepen në serinë ISO 18400. ISO 18400-204 ofron gjithashtu udhëzime për marrjen e mostrave dhe matjen e gazit të tokës.
SHËNIM 3 Metodat e marrjes së mostrave të paraqitura në këtë dokument mund të mos jenë të përshtatshme për të gjitha llojet e tokës, p.sh. torfa me strukturë të fortë fibroze.
SHËNIM 4 Disa nga metodat e marrjes së mostrave të paraqitura në këtë dokument janë të përshtatshme si për tokën ashtu edhe për shkëmbin.
Marrja e mostrave të ujit për qëllime të kontrollit të cilësisë, karakterizimit të cilësisë dhe identifikimit të burimeve të ndotjes së ujit, përfshirë depozitat fundore dhe llumrat, nuk përfshihet.
SHËNIM 5 Marrja e mostrave të ujit për këto qëllime trajtohet në serinë ISO 5667.