SSH ISO 10012:2026

Menaxhimi cilësisë - Kerkesat për sistemet e menaxhimit të matjeve

Quality management — Requirements for measurement management systems

Scope

Ky dokument përcakton kërkesat për një sistem të menaxhimit të matjeve kur një organizatë:
- ka nevojë të tregojë aftësinë e saj për të siguruar në mënyrë të vazhdueshme besimin në vlefshmërinë dhe besueshmërinë e rezultateve të matjeve dhe, rrjedhimisht, për të ofruar një nivel të qëndrueshëm të cilësisë së matjeve për produktet dhe shërbimet e organizatës;
- synon të mbështetet në rezultate matjeje të besueshme dhe të vlefshme, të dobishme për rritjen e kënaqësisë së klientit dhe për zbatimin efektiv të proceseve të sistemit të menaxhimit të matjeve;
- aplikon procese për një sistem të menaxhimit të matjeve që përmirësojnë përputhshmërinë me kërkesat e klientit, ligjore dhe rregullatore.
Të gjitha kërkesat e këtij dokumenti janë të përgjithshme. Ky dokument është i zbatueshëm për çdo organizatë, pavarësisht nga lloji apo madhësia e saj, ose nga produktet dhe shërbimet që ajo ofron. Kjo përfshin organizata që prodhojnë produkte dhe që ofrojnë shërbime inxhinierike (me përjashtim të shërbimeve të kalibrimit dhe testimit të përfshira në fushën e ISO/IEC 17025).
Ky dokument nuk synon të zëvendësojë kërkesat për, apo të shtojë kërkesa mbi, kërkesat e përgjithshme për kompetencën e laboratorëve të testimit dhe kalibrimit të përcaktuara në ISO/IEC 17025.
SHËNIM: Për organizatat që operojnë laboratorë të brendshëm prove dhe kalibrimi, kompetenca e këtyre funksioneve mund të vlerësohet në përputhje me ISO/IEC 17025.