prSSH EN ISO 14912:2025

Analizë gazi - Konvertimi i të dhënave të përbërjes së përzierjeve të gazrave (ISO 14912:2025)

Gas analysis - Conversion of gas mixture composition data (ISO 14912:2025)

Scope

Ky dokument përcakton madhësitë e mëposhtme që përdoren zakonisht për të shprehur përbërjen e përzierjeve të gazrave:
- fraksioni sasior (molar) dhe përqendrimi;
- fraksioni i masës dhe përqendrimi;
- fraksioni vëllimor dhe përqendrimi.
Për këto madhësi të përbërjes, ky dokument specifikon metoda për:
- konvertimin ndërmjet madhësive të ndryshme;
- konvertimin ndërmjet kushteve të ndryshme të gjendjes.
Konvertimi ndërmjet madhësive të ndryshme nënkupton llogaritjen e vlerës së përmbajtjes së një komponenti të caktuar në terma të njërës prej madhësive të listuara më sipër, duke u nisur nga vlera e të njëjtit komponent, në të njëjtin presion dhe temperaturë të përzierjes së gazit, por e dhënë sipas një madhësie tjetër.
Konvertimi ndërmjet kushteve të ndryshme të gjendjes nënkupton llogaritjen e vlerës së përmbajtjes së një komponenti të caktuar, në terma të njërës prej madhësive të listuara më sipër, në një grup kushtesh të caktuara (presion dhe temperaturë), duke u nisur nga vlera e së njëjtës madhësi në një grup tjetër kushtesh të përzierjes së gazit.
Përbërja e përzierjes së gazit mund të konvertohet njëkohësisht ndërmjet madhësive të ndryshme të përbërjes dhe kushteve të ndryshme të gjendjes, duke kombinuar këto dy lloje konvertimi.
Ky dokument zbatohet vetëm për përzierje gazi homogjene dhe të qëndrueshme. Prandaj, çdo kusht gjendjeje (presion dhe temperaturë) i marrë në konsideratë duhet të jetë larg zonës së kondensimit të përzierjes së gazit.
Për më tepër:
- përqendrimet vëllimore mund të përdoren vetëm nëse komponenti në fjalë është plotësisht në gjendje të gaztë;
- për përdorimin e fraksioneve vëllimore, të gjithë komponentët duhet të jenë plotësisht në gjendje të gaztë.
Kufizime shtesë për kushtet e gjendjes zbatohen për përafrimet e faktorëve të kompresueshmërisë duke përdorur koeficientët virialë (shih Shtojcën A).