SSH EN 16798-3:2025

Performanca energjitike në ndërtesa - Ventilimi në ndërtesa - Pjesa 3: Për ndërtesa jo-rezidenciale - Kërkesat e performancës për sistemet e ventilimit dhe kondicionimit të ambienteve (Modulet M5-1, M5-4)

Energy performance of buildings - Ventilation for buildings - Part 3: For non-residential buildings - Performance requirements for ventilation and room-conditioning systems (Modules M5-1, M5-4)

Scope

Ky dokument zbatohet për projektimin, performancën energjetike të ndërtesave dhe zbatimin e sistemeve të ventilimit, kondicionimit të ajrit dhe kondicionimit të ambienteve për ndërtesa jo-rezidenciale me synim përdorimin për qëndrimin e njerëzve, duke përjashtuar aplikime si proceset industriale. Ai fokusohet në përkufizimin e parametrave të ndryshëm që janë të rëndësishëm për këto sisteme.
Udhëzimet për projektim të dhëna në këtë dokument dhe në dokumentin shoqërues CEN/TR 16798-4 janë kryesisht të zbatueshme për sistemet mekanike të ventilimit me furnizim dhe/ose nxjerrje të ajrit. Sistemet e ventilimit natyror ose pjesët natyrore të sistemeve hibride të ventilimit nuk mbulohen nga ky dokument.
Aplikimet për ventilimin e ndërtesave rezidenciale nuk mbulohen nga ky dokument. Performanca e sistemeve të ventilimit në ndërtesat rezidenciale trajtohet në EN 15665 dhe CEN/TR 14788.
Klasifikimi përdor kategori të ndryshme. Për disa vlera jepen shembuj, ndërsa për kërkesat, paraqiten intervale tipike me vlera të parazgjedhura. Vlerat e parazgjedhura jepen në Aneksin B dhe një model për specifikimin kombëtar jepet në Aneksin A. Është e rëndësishme që klasifikimi të jetë gjithmonë i përshtatshëm për llojin e ndërtesës dhe qëllimin për përdorimin e saj, në menyrë që baza e klasifikimit të shpjegohet në rast se nuk përdoren shembujt e dhënë në këtë dokument.
SHËNIM 1 Standardet e ndryshme mund t’i shprehin kategoritë për të njëjtët parametra në mënyra të ndryshme, dhe gjithashtu simbolet e kategorive mund të jenë të ndryshme.
Tabela 1 paraqet pozicionin relativ të këtij dokumenti brenda grupit të standardeve EPB në kontekstin e strukturës modulare të përcaktuar në EN ISO 52000-1.
SHËNIM 2 Në CEN ISO/TR 52000-2 mund të gjendet e njëjta tabelë, ku për çdo modul jepen numrat e standardeve përkatëse EPB dhe raportet teknike shoqëruese që janë publikuar ose janë në përgatitje.
SHËNIM 3 Modulet përfaqësojnë standardet EPB, megjithëse një standard EPB mund të mbulojë më shumë se një modul dhe një modul mund të mbulohet nga më shumë se një standard EPB, për shembull një metodë e thjeshtuar dhe një metodë e detajuar. Shih gjithashtu Neninin 2 dhe Tabelat A.1 dhe B.1.

Tabela 1 - Pozicioni i këtij standardi (në rastin e moduleve M5-1, M5-4) brenda strukturës modulare të grupit të standardeve EPB.

Related directives

Directives related to this standards.