SSH EN ISO 3170:2025

Hidrokarbure të lëngëta - Marrja manuale e mostrave (ISO 3170:2025)

Hydrocarbon Liquids - Manual Sampling (ISO 3170:2025)

Scope

Ky dokument specifikon metodat manuale që përdoren për marrjen e mostrave të hidrokarbureve të lëngshme ose gjysmë të lëngshme, të mbetjeve dhe depozitimeve në rezervuarë, nga rezervuarë të palëvizshëm, vagona hekurudhorë, automjete rrugore, anije dhe varka, fuçi dhe bidonë, si dhe nga lëngje që transportohen me anë të tubacioneve.
Ai zbatohet për marrjen e mostrës e produkteve të lëngshme, duke përfshirë naftat bruto, produktet e ndërmjetme, hidrokarburet sintetike dhe biokarburantet, të cilat ruhen në ose pranë presionit atmosferik, ose transportohen nëpërmjet tubacioneve në gjendje të lëngshme nën presione dhe temperatura të ngritura.
Procedurat e marrjes së mostrës të specifikuara nuk synojnë mostrimin e produkteve të veçanta të naftës që trajtohen nga standarde të tjera ndërkombëtare, si vajrat izolues elektrikë (të mbuluar nga IEC 60475), gazet e lëngëzuara të naftës (të mbuluara nga ISO 4257), gazi natyror i lëngëzuar (LNG) (i mbuluar nga ISO 8943) dhe gazi natyror në gjendje të gaztë (i mbuluar nga ISO 10715).
Ky dokument i referohet metodave të marrjes së mostrës dhe pajisjeve që ishin në përdorim në kohën e hartimit të tij. Ai nuk përjashton përdorimin e pajisjeve të reja, me kusht që këto pajisje të mundësojnë marrjen e mostrave në përputhje me kërkesat dhe procedurat e përcaktuara në këtë dokument.