prSSH EN 13016-3:2025

Produkte të lëngshme të naftës - Presioni i avujve - Pjesa 3: Përcaktimi i presionit të avullit dhe llogaritja e presionit ekuivalent të avullit të thatë (DVPE) (Metoda e zgjerimit të trefishtë)

Liquid petroleum products - Vapour pressure - Part 3: Determination of vapour pressure and calculated dry vapour pressure equivalent (DVPE) (Triple expansion method)

Scope

Ky dokument specifikon një metodë për përcaktimin e presionit të avullit, të ushtruar në vakum (in vacuo), nga substancat volatile, produktet e naftës me viskozitet të ulët, përbërës të saj, përzierje me etanol deri në 85 % (V/V), si dhe lëndë të para, duke përdorur një dhomë me vëllim të ndryshueshëm. Nga presioni i avullit llogaritet presioni ekuivalent i avullit të thatë (DVPE).
Kushtet e provës të përdorura në metodën e përshkruar në këtë dokument janë një raport avull–lëng prej 4:1 dhe një temperaturë prove prej 37,8 °C.
Pajisja nuk laget me ujë gjatë kryerjes së provës; për këtë arsye, metoda e përshkruar është e përshtatshme për analizimin e mostrave me ose pa komponime të oksigjenuara. Uji i tretur në mostër nuk merret në konsideratë.
Kjo procedurë llogarit presionin parcial të ajrit të tretur në pjesën e provës gjatë procesit të zgjerimit të trefishtë. Ajo është e përshtatshme për mostra me DVPE ndërmjet 15,7 kPa dhe 97,6 kPa; presionet e avullit jashtë këtij intervali mund të maten, por saktësia e metodës për këto vlera nuk është përcaktuar.
Ky dokument zbatohet për lëndët djegëse që përmbajnë komponime të oksigjenuara deri në kufijtë e përcaktuar në Direktivën e Këshillit 85/536/KEE [6], si dhe për përzierjet lëndë djegëse–etanol që përmbajnë deri në 85 % (V/V) etanol.
SHËNIM Për qëllimet e këtij dokumenti, termat "% (m/m)" dhe "% (V/V)" përdoren për të përfaqësuar përkatësisht fraksionin në masë dhe fraksionin në vëllim.
PARALAJMËRIM - Përdorimi i këtij dokumenti mund të përfshijë materiale, procedura dhe pajisje të rrezikshme. Ky dokument nuk synon të trajtojë të gjitha çështjet e sigurisë që lidhen me përdorimin e tij. Është përgjegjësi e përdoruesve të këtij dokumenti të marrin masat e duhura për të garantuar sigurinë dhe shëndetin e personelit përpara zbatimit të standardit, si dhe të përcaktojnë zbatueshmërinë e çdo kufizimi shtesë që mund të jetë i nevojshëm për këtë qëllim.