prSSH EN 15751:2025

Lëndë djegëse për automjete - Lëndë djegëse me estere metilike të acideve yndyrore (FAME) dhe përzierjet e tyre me naftë - Përcaktimi i qëndrueshmërisë ndaj oksidimit me metodën e oksidimit të përshpejtuar në 110 °C.

Automotive fuels - Fatty acid methyl ester (FAME) fuel and blends with diesel fuel - Determination of oxidation stability by accelerated oxidation method at 110 °C

Scope

Ky dokument specifikon një metodë prove për përcaktimin e qëndrueshmërisë ndaj oksidimit të lëndëve djegëse për motorë me naftë në temperaturën 110 °C, nëpërmjet matjes së periudhës së induksionit të lëndës djegëse deri në 48 orë.
Metoda është e zbatueshme për esteret metilike të acideve yndyrore (FAME) të destinuara për përdorim si biokarburant i pastër ose si përbërës për përzierje me naftën, si dhe për përzierjet e FAME me naftë që përmbajnë të paktën 2 % (V/V) FAME.
Saktësia e kësaj metode prove është zhvilluar për naftën konvencionale. Kjo metodë prove është gjithashtu e zbatueshme për lëndët djegëse parafinike për motorë me naftë, të specifikuara në EN 15940; megjithatë, nuk është në dispozicion një deklaratë e veçantë e saktësisë për naftën parafinike.
SHËNIM 1 EN 14112 [1] përshkruan një metodë të ngjashme prove për përcaktimin e qëndrueshmërisë ndaj oksidimit të estereve metilike të acideve yndyrore (FAME) në formë të pastër (shih Hyrjen e këtij dokumenti). Gjithashtu, EN 16568 [4] përshkruan një metodë të ngjashme prove për përcaktimin e qëndrueshmërisë ndaj oksidimit të lëndëve djegëse për motorë me naftë në 120 °C, nëpërmjet matjes së periudhës së induksionit të lëndës djegëse deri në 20 orë. Standardi EN 16568 zbatohet për përzierjet e FAME me naftë që përmbajnë të paktën 2 % (V/V) FAME. Metoda të tjera alternative për përcaktimin e qëndrueshmërisë ndaj oksidimit të lëndëve djegëse të distiluara përshkruhen në CEN/TR 17225 [5].
SHËNIM 2 Për periudha induksioni më të gjata se 48 orë, saktësia nuk mbulohet nga deklarata e saktësisë së kësaj metode. Vlerat kufitare të përcaktuara në standardet përkatëse të lëndëve djegëse janë brenda fushës së zbatimit të kësaj metode prove.
SHËNIM 3 Prania e një përmirësuesi të numrit të cetanit mund të zvogëlojë qëndrueshmërinë ndaj oksidimit të përcaktuar me këtë metodë prove. Megjithatë, studime të kufizuara me EHN (2-etilheksil nitrat) kanë treguar se ulja e qëndrueshmërisë është brenda kufijve të riprodhueshmërisë së metodës së provës.
SHËNIM 4 Për qëllimet e këtij dokumenti, shprehja "% (V/V)" përdoret për të përfaqësuar fraksionin vëllimor (φ) të një materiali.