SSH EN 12272-3:2025

Trajtim sipërfaqësor - Metoda prove - Pjesa 3: Përcaktimi i ngjitjes së lidhësit me agregatët me anë të matjes së kohezionit të Vialit

Surface dressing - Test methods - Part 3: Determination of binder aggregate adhesivity by the Vialit plate shock test method

Scope

Ky dokument përcakton, për lidhësit bituminozë pa ujë (lidhës bituminozë të holluar dhe të fluksuar), matjen e ngjitshmërisë së lidhësit me agregatin dhe ndikimin e agjentëve ngjitës ose aditivëve ndërfaqësorë në karakteristikat e ngjitjes. Qëllimi është të ndihmojë në projektimin e sistemeve lidhës–agregat për trajtimet sipërfaqësore.
Ky dokument përcakton metodat e matjes së:
— ngjitjes mekanike të lidhësit në sipërfaqen e agregatit;
— ngjitshmërisë aktive të lidhësit me agregatin e grimcuar;
— përmirësimit të ngjitjes mekanike dhe ngjitshmërisë aktive duke shtuar një agjent ngjitës, qoftë në masën e lidhësit, qoftë duke spërkatur ndërfaqen ndërmjet lidhësit dhe agregatit të grimcuar;
— temperaturës së lagies së agregatit nga lidhësi;
— ndryshimit të ngjitshmërisë nën temperaturën e brishtësisë.
Aftësia lagëse e lidhësit ndikon në vetitë e ngjitshmërisë. Në prani të ujit, aftësia lagëse e emulsionit bituminoz është natyrshëm e lartë.
Megjithëse metodat e provës për ngjitjen mekanike dhe ngjitshmërinë aktive kanë kryesisht qëllim përdorimin tek lidhësit bituminozë pa ujë (lidhësit bituminozë të holluar dhe të fluksuar), këto matje mund të kryhen gjithashtu me emulsion bituminoz, me një interpretim të përshtatur të rezultateve, në varësi të projektimit të sistemit lidhës–agregat.
Për emulsionet bituminoze, ngjitshmëria matet në mënyrë konvencionale nëpërmjet provës së zhytjes në ujë (EN 13614).
Kjo metodë prove zbatohet për:
— lidhësit bituminozë të përdorur për trajtime sipërfaqësore, për shembull, lidhësit konvencionalë ose të modifikuar me polimer; kryesisht lidhësit bituminozë pa ujë, si lidhësit e holluar dhe të fluksuar, si dhe emulsionet bituminoze;
— të gjitha madhësitë e mëposhtme të agregatit që mund të përdoren për trajtime sipërfaqësore:
Grupi 1: 2/5 mm, 5/8 mm, 8/11 mm dhe 11/16 mm;
Grupi 2: 2/4 mm, 2/6 mm, 4/6 mm, 4/8 mm, 6/10 mm, 6/12 mm dhe 10/14 mm.
Kjo metodë prove nuk zbatohet për kontrollin e cilësisë në vendin e punës.
SHËNIM: Informacione të mëtejshme lidhur me qëllimin e provës gjenden në Aneksin D.
Paralajmërim - Përdorimi i këtij dokumenti mund të përfshijë operacione të rrezikshme. Ky dokument nuk synon të trajtojë të gjitha problemet e sigurisë që lidhen me përdorimin e tij.
Është përgjegjësi e përdoruesit të këtij dokumenti të përcaktojë praktikat e përshtatshme të sigurisë dhe të vlerësojë zbatueshmërinë e kufizimeve rregullatore përpara përdorimit.