SSH EN 12272-1:2025

Trajtim sipërfaqësor - Metoda prove - Pjesa 1: Shkalla dhe saktësia e shpërndarjes së lidhësit dhe agregatit të grimcuar

Surface dressing - Test methods - Part 1: Rate of spread and accuracy of spread of binder and chippings

Scope

Ky dokument përcakton metodat e provës për përcaktimin e shkallës së shpërndarjes dhe saktësisë së shpërndarjes së lidhësit dhe agregatit të grimcuar gjatë kryerjes së një trajtimi sipërfaqësor në një segment rruge, në një moment të caktuar.
Kjo metodë prove mund të përdoret gjithashtu për përcaktimin e shkallës dhe saktësisë së shpërndarjes së emulsioneve bituminoze të spërkatura, për shembull, kur përdoren si shtresa lidhëse ose në sistemet e mirëmbajtjes së asfaltit.
Kategoritë e performancës për shkallën dhe saktësinë e shpërndarjes së lidhësit të përcaktuara në EN 12271 nuk zbatohen për shtresat lidhëse (bond coats) dhe shtresat ngjitëse (tack coats).
Metodat e provës përdoren në vendin e punës për të kontrolluar aftësinë e spërkatësve të lidhësit dhe shpërndarësve të agregatit për të përmbushur shkallët e synuara të shpërndarjes, tolerancat dhe koeficientët e variacionit.
Metodat e provës mund të përdoren për të përmbushur kërkesat e Kontrollit të Prodhimit në Fabrikë (FPC – Factory Production Control) të EN 12271 – Trajtimet sipërfaqësore – Kërkesat, duke përfshirë:
— kalibrimin e impianteve dhe pajisjeve;
— frekuencat minimale të inspektimit dhe provave gjatë prodhimit.
Përdorimi i këtyre metodave për inspektimet gjatë prodhimit (FPC) lejon disa ndryshime në metodat e provës, për shkak të specifikave të caktuara të vendeve të punës dhe materialeve të përdorura, për shembull, në rastin e shpërndarësve të kombinuar të agregatit dhe lidhësit.
Në këtë rast, ndryshimet duhet të dokumentohen në kuadër të Kontrollit të Prodhimit në Fabrikë (FPC) dhe të identifikohen në raportet e provave.
Metodat e tjera të provës që përdoren për të kontrolluar shkallën dhe saktësinë e shpërndarjes së lidhësit, si për shembull prova statike e shufrës së spërkatjes në stolin e provës për spërkatësit, nuk mbulohen nga ky dokument.
Paralajmërim
Përdorimi i këtij dokumenti mund të përfshijë operacione të rrezikshme. Ky dokument nuk synon të trajtojë të gjitha problemet e sigurisë që lidhen me përdorimin e tij.
Është përgjegjësi e përdoruesit të këtij dokumenti të përcaktojë praktikat e përshtatshme të sigurisë dhe të vlerësojë zbatueshmërinë e kufizimeve rregullatore përpara përdorimit.