prDS CWA 17815:2025

Karakterizimi i materialeve - Terminologjia dhe dokumentimi i strukturuar

Materials characterization - Terminology and structured documentation

Scope

Objektivi i këtij CWA-je është të ofrojë një grup të standardizuar konceptesh, metadatash dhe terminologjie që përbëjnë bazën për dokumentimin e karakterizimit të materialeve. Qëllimi është të mbulojë interpretimin më të gjerë të mundshëm të termit “karakterizim i materialeve”, duke përfshirë të gjithë gamën e proceseve përmes të cilave përcaktohen struktura dhe vetitë e një materiali, ose edhe të një sistemi materialesh.
Ai përfshin çdo proces të analizës së materialeve, duke përfshirë edhe teknikat makroskopike. Gjithashtu, fusha e lidhur me testimin e materialeve pritet të përfitojë nga ky dokumentim i standardizuar.
CHADA fillon me dokumentimin e kontekstit dhe arsyetimit për karakterizimin specifik që do të kryhet. Për shembull, performanca e një materiali kandidat (ose e një kombinimi materialesh) për një aplikim të caktuar mund të përcaktohet nëpërmjet vlerësimit të vetive të ndryshme të materialit.
Më pas, CHADA dokumenton materialin ose sistemin e materialeve që po hetohet, si dhe mostrën ose mostrat që testohen.
Në vijim, dokumentohet rrjedha e punës së karakterizimit (characterisation workflow), duke mbuluar të gjitha fazat e mundshme të rrjedhës së punës eksperimentale dhe të përpunimit të të dhënave, deri në rezultatin e agreguar. Për secilën fazë parashikohen tabela përkatëse.
Rrjedha e përgjithshme e punës përbëhet nga një kombinim i fazave të ndryshme të rrjedhës së punës, të cilat mund të ekzekutohen njëra pas tjetrës ose paralelisht.
Qasja modulare ofron fleksibilitet për përsëritjen ose kapërcimin e fazave, në varësi të rastit që do të dokumentohet.
Nëse është e nevojshme, atributet e entiteteve mund të shtohen, zgjerohen ose pasurohen në mënyra të tjera, me qëllim përshkrimin e vetive dhe specifikimeve të tyre në nivelin e dëshiruar të detajimit, në përputhje me fushën e ekspertizës akademike ose industriale dhe me qëllimin apo aplikimin e synuar.
Seritë kohore, sondat/mostrat e shumta dhe rastet me shumë materiale (siç janë sistemet) mund të dokumentohen duke interpretuar çdo koncept si një listë/seri (array).
Duke përdorur entitetin material dhe mostër si një array që përfaqëson disa materiale në një sistem, CHADA mund të aplikohet për dokumentimin e karakterizimit të sistemeve të materialeve, domethënë sistemeve të përbëra nga materiale që ndërveprojnë me njëri-tjetrin. Shembuj të tillë janë:
karakterizimet tribologjike;
monitorimi i integritetit strukturor;
testet e komponentëve.
Rezultati i një rrjedhe pune të karakterizimit mund të jetë cilësor, gjysmë sasior ose sasior. Në fund, paraqitet rezultati përfundimtar, i cili përfaqëson përpunimin dhe/ose interpretimin e rezultateve të karakterizimit.