prDS CWA 18321:2025

Modelimi informacionit të ndërtimit (BIM) - Integrimi i synimeve të projektimit arkitektonik për krijimin e vlerave sociale

Building information modelling - Integration of architectural design intentions for creating social values

Scope

Ky dokument përcakton synimet e projektimit social për digjitalizimin dhe analizën e automatizuar të bazuar në BIM (Modelimi i Informacionit të Ndërtimit). Kjo është e dallueshme dhe plotësuese ndaj sistemeve që vlerësojnë vlera specifike sociale (p.sh. privatësia, aksesueshmëria, hapësirshmëria, etj.), ku ky dokument përcakton synimet sociale në një nivel më të përgjithshëm. Ai është gjithashtu i ndryshëm, por i harmonizuar, me proceset e dokumentimit, parashikimit dhe vlerësimit të performancës së një ndërtese dhe përputhshmërisë së saj me synimet e projektimit, të cilat mund të kryhen si Vlerësim pas Përdorimit (Post Occupancy Evaluation – POE) ose duke aplikuar parimet e “space syntax”.
Ky dokument përshkruan një model të përgjithshëm të të dhënave për përfaqësimin e synimeve të projektimit social, një proces për kapjen e synimeve të projektimit social (nga nxjerrja deri te zbatimi), integrimin e synimeve të projektimit social në modelet BIM, si dhe marrëdhënien midis kërkesave sociale, synimeve sociale dhe vlerave sociale. Këto koncepte zbatohen si për ndërtesat ekzistuese ashtu edhe për ndërtesat e reja.
Grupet e synuara të këtij dokumenti janë kryesisht palët e mëposhtme:
- Arkitektët dhe projektuesit e ndërtesave në drejtimin e procesit të projektimit;
- Studiuesit dhe konsulentët arkitektonikë (p.sh. antropologë ose sociologë në studio arkitekturore) në mbështetjen e projektimit të bazuar në prova dhe në vlerësimin e ndikimeve sociale;
- Specialistët e BIM-it dhe zhvilluesit e softuerëve për zhvillimin e programeve që mundësojnë ndërveprimin me BIM dhe mbështesin integrimin e synimeve të projektimit social;
- Agjencitë publike në përgatitjen e kërkesave të projektimit, menaxhimin e konkurseve publike të projektimit dhe tenderëve;
- Komisionerët socialë kur vlerësojnë aspektet sociale të një ndërtese para dorëzimit të projektit dhe pas ndërtimit.