SSH EN 196-2:2025

Metoda prove për çimento - Pjesa 2: Analiza kimike e çimentos

Methods of testing cement - Part 2: Chemical analysis of cement

Scope

Ky dokument përcakton metodat për analizën kimike të çimentos.
Dokumenti përshkruan metodat referencë dhe, në disa raste, një metodë alternative, e cila mund të konsiderohet si ekuivalente. Në rast mosmarrëveshjeje, përdoren vetëm metodat referencë.
Një metodë alternative e bazuar në performancë, duke përdorur fluorescencën me rreze X (XRF), përshkruhet për përcaktimin e SiO₂, Al₂O₃, Fe₂O₃, CaO, MgO, SO₃, K₂O, Na₂O, TiO₂, P₂O₅, Mn₂O₃, SrO, Cl dhe Br. Kjo metodë bazohet në mostra të shkrira në formë rruazash (beads) dhe në validim analitik duke përdorur materiale reference të certifikuara, së bashku me kritere performance.
Një metodë e bazuar në pelleta të shtypura nga mostër e pashkrirë mund të konsiderohet ekuivalente, me kusht që performanca analitike të përmbushë të njëjtat kritere.
Një metodë alternative e bazuar në performancë, duke përdorur spektroskopinë e emetimit optik me plazmë të çiftuar induktivisht (ICP-OES), përshkruhet për përcaktimin e SO₃.
Kur kalibrohen saktë sipas procedurave dhe materialeve referencë të përcaktuar, XRF dhe ICP-OES ofrojnë metoda ekuivalente me metodat referencë, por nuk janë ende të validuara për përdorim si procedura referente për qëllime konformiteti dhe zgjidhjeje mosmarrëveshjesh.
Ato mund të aplikohen edhe për elemente të tjera përkatëse, kur janë vendosur kalibrime të përshtatshme.
Çdo metodë tjetër mund të përdoret, me kusht që të jetë e kalibruar, ose kundrejt metodave referencë, ose kundrejt materialeve referencë të pranuara ndërkombëtarisht, për të vërtetuar ekuivalencën e saj.
Ky dokument përshkruan metoda që zbatohen kryesisht për çimenton, por që mund të aplikohen edhe për materialet përbërëse të saj. Ato mund të aplikohen gjithashtu për materiale të tjera, standardet e të cilave i referohen këtyre metodave. Specifikimet standarde përcaktojnë se cilat metoda duhet të përdoren.