SSH EN 12976-1:2021

Sisteme termikë diellorë dhe pjesët e tyre - Sisteme të prodhuar në fabrikë - Pjesa 1: Kërkesa të përgjithshme

Thermal solar systems and components - Factory made systems - Part 1: General requirements

Scope

Ky dokument përcakton kërkesat për qëndrueshmërinë, besueshmërinë dhe sigurinë e sistemeve të ngrohjes diellore të prodhuara në fabrikë. Dokumenti përfshin gjithashtu dispozita për vlerësimin e përputhshmërisë me këto kërkesa (shih Aneksin A). Koncepti i familjeve të sistemeve përfshihet gjithashtu në Aneksin C.
Kërkesat e këtij dokumenti zbatohen për sistemet diellore të prodhuara në fabrikë si produkte. Instalimi i këtyre sistemeve, përfshirë integrimin e tyre me çatitë ose fasadat, nuk merret në konsideratë, por jepen kërkesa për dokumentacionin për instaluesin dhe përdoruesin që duhet të dorëzohet së bashku me sistemin (shih gjithashtu 4.6).
Pajisjet ndihmëse të jashtme për ngrohjen e ujit, të cilat vendosen në seri me sistemin e prodhuar në fabrikë, nuk konsiderohen pjesë e sistemit. Tubacionet e ujit të ftohtë nga rrjeti i furnizimit me ujë të ftohtë deri te sistemi, si dhe tubacionet nga sistemi drejt një ngrohësi ndihmës të jashtëm ose drejt pikave të marrjes së ujit, nuk konsiderohen pjesë e sistemit. Tubacionet midis komponentëve të sistemit diellor të prodhuar në fabrikë konsiderohen pjesë e sistemit. Çdo shkëmbyes nxehtësie i integruar ose tubacion për opsionin e ngrohjes së hapësirave (shih Hyrjen, paragrafi i fundit) nuk konsiderohet pjesë e sistemit.