SSH EN 15218:2022

Kondicionerë ajri dhe njësi ftohëse për lëngje me kondensator të ftohur me avullim dhe kompresorë me energji elektrike për ftohjen e hapësirave - Termat, përkufizimet, kushtet e provës, metodat e provës dhe kërkesat

Air conditioners and liquid chilling packages with evaporatively cooled condenser and with electrically driven compressors for space cooling - Terms, definitions, test conditions, test methods and requirements

Scope

Ky dokument përcakton termat, përkufizimet, kushtet e provës, metodat e provës dhe kërkesat për vlerësimin e performancës së kondicionerëve të ajrit dhe agregateve ftohëse me lëng, me kompresorë elektrikë dhe me kondensator të ftohur me anë të avullimit, kur përdoren për ftohjen e hapësirave. Kondensatori i ftohur me anë të avullimit ftohet nga ajri dhe nga avullimi i ujit shtesë të jashtëm. Ky ujë shtesë i jashtëm furnizohet përmes një qarku të posaçëm furnizimi me ujë ose përmes një depozite uji.
Ky dokument nuk zbatohet për kondicionerët ajër-ajër dhe ajër-ujë me kondensator të ftohur nga ajri dhe nga avullimi i ujit të kondensuar në avulluesin e tyre.
Ky dokument zbatohet për njësitë e pajisura me depozitë uji ose me furnizim të vazhdueshëm përmes një qarku uji, të cilat mund të funksionojnë edhe pa furnizim me ujë. Megjithatë, ky dokument ka të bëjë vetëm me testimin e këtyre njësive me furnizim me ujë.
Ky dokument zbatohet për njësitë e prodhuara në fabrikë që mund të lidhen me kanale ajri (ducted).
Ky dokument zbatohet për njësitë e prodhuara në fabrikë, qoftë me kapacitet fiks ose me kapacitet të ndryshueshëm, me çfarëdo mjeti.
Njësitë e paketuara (packaged units), sistemet single split dhe multisplit mbulohen nga ky dokument.
Për njësitë e përbëra nga disa pjesë, ky dokument zbatohet vetëm për ato që janë projektuar dhe furnizuar si një paketë e plotë.
Për njësitë me kondensator të ftohur me anë të avullimit që mund të funksionojnë edhe në regjim ngrohjeje, performanca e tyre në këtë regjim përcaktohet sipas EN 14511:2022 (të gjitha pjesët).
Njësitë që përdoren për ftohje të proceseve industriale nuk përfshihen në fushën e zbatimit të këtij dokumenti.
Ky dokument përcakton kushtet sipas të cilave do të deklarohen të dhënat e performancës për përputhje me Rregulloren e Ekodizajnit 206/2012 dhe me Rregulloren e Etiketimit të Energjisë 626/2011 për kondicionerët e ajrit me kondensator të ftohur me anë të avullimit në regjimin e ftohjes.
SHËNIM Të gjitha simbolet e dhëna në këtë tekst mund të përdoren pavarësisht nga gjuha.

Related directives

Directives related to this standards.