DS CWA 16926-7:2022

Shtojca për specifikimet e ndërfaqes në shërbimet financiare (XFS), Versioni 3.50 – Pjesa 7: Ndërfaqja e klasës së pajisjes për lexim/skanim çeku – Referencë për programuesin

Extensions for Financial Services (XFS) interface specification Release 3.50 - Part 7: Check Reader/Scanner Device Class Interface - Programmer's Reference

Scope

Ky specifikim përshkruan klasën e shërbimit XFS për lexuesit dhe skanerët e çeqeve. Skanerët e imazhit të çeqeve trajtohen si një rast i veçantë i lexuesve të çeqeve, pra si instanca të këtyre të fundit me mbështetje për imazhe. Kjo klasë përfshin pajisje me një gamë të gjerë funksionalitetesh, që variojnë nga pajisje të vogla portative vetëm për lexim, ku çeqet kalohen manualisht një nga një, deri te njësitë desktop që ushqejnë automatikisht çeqet një nga një, duke regjistruar të dhënat MICR dhe imazhin e çekut, si dhe duke e vulosur (endorse) ose koduar (encode) çekun.
Specifikimi i kësaj klase shërbimi përfshin përcaktimin e komandave specifike të shërbimit që mund të ekzekutohen duke përdorur funksionet WFSAsyncExecute, WFSExecute, WFSGetInfo dhe WFSAsyncGetInfo.
Në Shtetet e Bashkuara, çeqet kodohen gjithmonë me bojë magnetike për t’u lexuar nga Magnetic Ink Character Recognition (MICR), dhe përdoret gjithmonë një font i vetëm. Në Evropë, disa vende përdorin MICR ndërsa të tjera përdorin grupe karakteresh Optical Character Recognition (OCR), me fonte të ndryshme, për çeqet e tyre.
Në të gjitha vendet, fushat tipike të koduara në një çek përfshijnë numrin e identifikimit të bankës dhe numrin e llogarisë. Një pjesë e përpunimit të kryer nga banka është edhe kodimi i shumës në çek, që zakonisht realizohet duke pasur një operator që fut shumën e shkruar me dorë ose me makinë në faqen e çekut përmes një tastiere numerike.
Kjo klasë shërbimi aktualisht është e përcaktuar vetëm për shërbime në degë me operator të pranishëm (attended branch service).