SSH EN ISO 11819-1:2023

Akustika - Matja e zhurmës së trafikut nën ndikimin e sipërfaqes të rrugës – Pjesa 1: Metoda statistikore e kalimit (ISO 11819-1:2023)

Acoustics - Measurement of the influence of road surfaces on traffic noise - Part 1: Statistical Pass-By method (ISO 11819-1:2023)

Scope

Ky dokument specifikon një metodë për krahasimin e zhurmës nga trafiku mbi sipërfaqe rrugore të ndryshme, për kompozime të ndryshme të trafikut rrugor, me qëllim vlerësimin e llojeve të ndryshme të sipërfaqeve rrugore. Nivele zhurme që përfaqësojnë mjete të lehta ose të rënda, në shpejtësi të caktuara, i atribuohen një sipërfaqeje të caktuar rruge.

Kjo metodë është e zbatueshme për trafik që qarkullon me ritëm të rregullt, në kushte lëvizjeje të pandërprerë, me shpejtësi të afishuara prej 50 km/h e më shumë. Në raste kur trafiku është i ngadaltë ose i bllokuar, si në kryqëzime apo në situata me ndalesa të shpeshta, kjo metodë nuk aplikohet.

Një metodë standarde për krahasimin e karakteristikave akustike të sipërfaqeve rrugore u jep autoriteteve rrugore dhe mjedisore një metodë për të vendosur praktika të përbashkëta ose kufizime lidhur me përdorimin e sipërfaqeve rrugore që plotësojnë kritere të caktuara për zhurmën. Megjithatë, nuk është në kompetencën e standardit ISO 11819 (të gjitha pjesët) të propozojë këto kritere.

Metoda statistikore e matjes gjatë kalimit (SPB – Statistical Pass-By) është e përshtatshme për përdorim për këto qëllime kryesore:

— klasifikimi i sipërfaqeve rrugore sipas ndikimit të tyre në zhurmën nga trafiku (klasifikimi i sipërfaqes);
— verifikimi i përputhshmërisë së prodhimit të sipërfaqeve rrugore;
— vlerësimi i performancës akustike të sipërfaqeve rrugore gjatë përdorimit, në krahasim me gjendjen e re;
— vlerësimi i ndikimit të sipërfaqeve të ndryshme rrugore në zhurmën e trafikut, pavarësisht nga gjendja ose koha e shërbimit;
— vlerësimi i performancës akustike të një sipërfaqeje rruge në krahasim me një sipërfaqe referuese.

Për shkak të kufizimeve praktike, metoda nuk mund të zbatohet në të gjitha vendndodhjet e mundshme. Megjithatë, metoda me panele mbështetëse (backing board) mundëson testimin në disa vendndodhje që më parë nuk konsideroheshin të përshtatshme.

Kreu 5 jep një përshkrim të përgjithshëm të metodës SPB.