SSH EN ISO 21860:2024

Informatika Shëndetësore - Portofoli i standardeve referuese (RSP) - Imazheria klinike (ISO 21860:2020)

Health Informatics - Reference standards portfolio (RSP) - Clinical imaging (ISO 21860:2020)

Scope

Ky dokument përcakton Portofolin e Standardeve Referuese (RSP) për fushën e imazherisë klinike (siç përcaktohet në Klauzolën 4).
Një RSP liston standardet kryesore të teknologjisë së informacionit shëndetësor (HIT) që formojnë bazën për zbatimin dhe vendosjen e aplikacioneve ndërvepruese në fushën e synuar.
Një RSP përfshin përshkrimin e fushës, një listë normative të standardeve dhe Një kornizë informative për hartëzimin e standardeve me shembuj rastesh përdorimi gjatë implementimit.
Listat nuk përfshijnë standarde që vlejnë vetëm në nivel kombëtar

Audienca kryesore e synuar për këtë dokument janë politikëbërësit (qeveritarë ose të organizatave), rregullatorët, planifikuesit e projekteve dhe menaxherët e HIT. Ky dokument do të jetë gjithashtu i rëndësishëm për palët e tjera të interesuara, si shitësit e pajisjeve dhe teknologjisë së informacionit shëndetësor, profesionistët e menaxhimit të informacionit klinik dhe shëndetësor (HIM) dhe zhvilluesit e standardeve.

Qëllimi i këtij dokumenti është të ndihmojë në marrjen e vendimeve lidhur me përzgjedhjen e standardeve që do të formojnë bazën e projekteve të integrimit në rajonet gjeografike ose organizatat e kujdesit shëndetësor. Për shembull:
— Cilat standarde duhet të përdoren për kapjen, kodimin dhe shkëmbimin e llojeve të caktuara të informacionit;
— Cilat standarde duhet të përdoren për ndërfaqet midis pajisjeve dhe sistemeve të informacionit që mbështesin kapjen, menaxhimin, shkëmbimin, përpunimin dhe përdorimin e informacionit;
— Cilat standarde duhet të përdoren për raste specifike përdorimi dhe skenarë vendosjeje.

Standardet e zgjedhura dhe/ose klauzolat përkatëse të RSP-së mund të jenë të dobishme gjatë hartimit të specifikimeve të projektit.