SSH EN ISO 37101:2022

Zhvillim i qëndrueshëm në komunitete - Sistem menaxhimi për zhvillim të qëndrueshëm - Kërkesa me udhëzime për përdorim (ISO 37101:2016)

Sustainable development in communities - Management system for sustainable development - Requirements with guidance for use (ISO 37101:2016)

Scope

ISO 37101:2016 përcakton kërkesat për një sistem menaxhimi për zhvillimin e qëndrueshëm në komunitete, përfshirë qytetet, duke përdorur një qasje gjithëpërfshirëse (holistike), me synim që të sigurohet përputhshmëria me politikën e zhvillimit të qëndrueshëm të komunitetit.
Rezultatet e synuara të një sistemi menaxhimi për zhvillimin e qëndrueshëm në komunitete përfshijnë:
menaxhimin e qëndrueshmërisë dhe promovimi i qasjes inteligjente në menaxhimin e komunitetit, duke marrë parasysh kufijtë territorialë ku zbatohet standardi;
përmirësimin e kontributit të komuniteteve në arritjen e objektivave të zhvillimit të qëndrueshëm;
vlerësimin e performancës së komuniteteve në përparimin drejt objektivave të zhvillimit të qëndrueshëm, si dhe në vlerësimin e nivelit të zgjuarsisë teknologjike dhe qëndrueshmërisë që komuniteti ka arritur gjatë zhvillimit të tij.
përmbushjen e detyrimeve të pajtueshmërisë (compliance obligations).
ISO 37101:2016 ka për qëllim të ndihmojë komunitetet të bëhen më të qëndrueshme, më të zgjuara dhe më të qëndrueshme ndaj sfidave, përmes zbatimit të strategjive, programeve, projekteve, planeve dhe shërbimeve, si dhe të dëshmojnë dhe komunikojnë arritjet e tyre.
Standardi është i menduar të zbatohet nga një organizatë e caktuar nga komuniteti, e cila krijon kornizën organizative dhe siguron burimet e nevojshme për të mbështetur menaxhimin e performancës mjedisore, ekonomike dhe sociale.
Nëse vetë komuniteti vendos të krijojë kornizën organizative, atëherë konsiderohet si organizatë sipas përkufizimit të ISO 37101:2016.
Zbatueshmëria:
ISO 37101:2016 është i zbatueshëm për komunitete të të gjitha madhësive, strukturave dhe llojeve, në vende të zhvilluara apo në zhvillim, në nivel lokal, rajonal apo kombëtar, si dhe në zona urbane apo rurale, sipas nivelit të përgjegjësisë përkatëse.
Përdorimi i standardit:
ISO 37101:2016 mund të përdoret i plotë ose pjesërisht, për të përmirësuar menaxhimin e zhvillimit të qëndrueshëm në komunitete.
Megjithatë, pretendimet për përputhshmëri me ISO 37101:2016 janë të vlefshme vetëm nëse të gjitha kërkesat e standardit janë përfshirë në sistemin e menaxhimit të organizatës dhe janë përmbushur plotësisht, pa përjashtime.