prSSH EN 12583:2022+A1:2024

Infrastrukturë për gaz - Stacionet e kompresorëve - Kërkesa funksionale

Gas Infrastructure - Compressor stations - Functional requirements

Scope

Ky dokument përshkruan kërkesat specifike funksionale për projektimin, ndërtimin, funksionimin, mirëmbajtjen dhe aktivitetet e asgjësimit për stacionet e sigurta dhe të parrezikshme të kompresorëve të gazit.
Ky dokument zbatohet për stacionet e reja të kompresorëve të gazit me Presion Maksimal Pune (MOP) mbi 16 bar dhe me fuqi totale të boshtit mbi 1 MW. Për stacionet ekzistuese të kompresorëve, ky dokument vlen për njësitë e reja të kompresorit. Kur ndodhin ndryshime/modifikime në instalimet ekzistuese ose përbërjen e gazit, mund të merren parasysh kërkesat e këtij dokumenti.
Ky dokument nuk zbatohet për stacionet e kompresorëve të gazit ose njësitë e kompresorëve që përdoreshin përpara publikimit të këtij dokumenti. Për stacionet ekzistuese, ky dokument mund të përdoret si udhëzues.
Qëllimi i këtij dokumenti është që:
- të sigurojë shëndetin dhe sigurinë e publikut dhe të gjithë personelit të stacionit;
- të mbulojë çështjet mjedisore;
- të shmangë dëmtimin e rastësishëm të pronave pranë stacionit;
- të rregullojë infrastrukturën për përdorim të gazrave të rinovueshëm, duke përfshirë një projektim të mundshëm për hidrogjenin.
Ky dokument specifikon parimet bazë të përbashkëta për infrastrukturën e gazit. Përdoruesit e këtij dokumenti pritet të jenë të vetëdijshëm se standarde kombëtare dhe/ose kode praktike më të detajuara mund të ekzistojnë në vendet anëtare të CEN.
Ky dokument synohet të zbatohet në lidhje me këto standarde kombëtare dhe/ose kode praktike që përcaktojnë parimet bazë të lartpërmendura.
Në rast konfliktesh për sa i përket kërkesave më kufizuese në legjislacionin/rregulloren kombëtare me kërkesat e këtij dokumenti, legjislacioni/rregullorja kombëtare ka përparësi siç ilustrohet në CEN/TR 13737 (të gjitha pjesët). CEN/TR 13737 (të gjitha pjesët) jep:
- sqarim të të gjitha legjislacioneve/rregulloreve të zbatueshme në një shtet anëtar;
- nëse është e përshtatshme, kërkesa kombëtare më kufizuese;
- një pikë kombëtare kontakti për informacionin më të fundit.
Ky dokument nuk vlen për:
- stacionet e kompresorëve të gazit në det të hapur;
- stacionet e kompresorëve të gazit për stacionet e mbushjes me gaz të kompresuar;
- instalimet e konsumatorit pas pikës së transferimit të përgjegjësisë për gazin;
- projektimi dhe ndërtimi i paketave drejtuese (shih Aneksin C);
- pajisje komprimimi të lëvizshme.
Furnizimi për shërbimet komunale si kaldaja të vogla të ngrohjes qendrore referenca është bërë në EN 1775.
Figura 1 tregon një paraqitje skematike të stacioneve të komprimimit në një infrastrukturë gazi. Për më shumë informacion referojuni anekseve A, B, C, D, E dhe F.